Eum' nénette (tchanson)
par Maxandré le, 18/08/2007Eum' nénette all' s'appelot Bernadette
All' voulot toudis que je l'arwette
Mais tchand mi, euj' rintros du boulot
J'busios qu'à m'mett' les pids au caud
In bieau jour, all' me dit : "Min bonhomme,
Si te cros qu'j'ai marié pou' des pommes
L'prochain cop, tchand qu'te rintras d'ouvrer
I'ara personn' dins tin fo-yer!"
J'li réponds : "Acoute arrête tes m'noules,
Tin caractèr' comminch' à m'rinte maboul'
Si te veux que j'm'occupe eud' tin cas
T'as qu'à t'nipper in Madonna !!"
Eum bonn' fin-me n'in croyot nin ses orelles
Et l'ovlà qui s'prind pou' eun' donzelle :
L'vinderdi, tchand est-ce euj' l'ai r'treuvée,
All' avot complèt'mint tchingée :
All' avot mis eun' rob' à bertelles
Et in d'ssous, I'avot que de l'dintelle
"Min p'tit cat, mi euj' peux pus t'toucher :
J'aros trop peur eud' t'esquinter !!!"
" Dis donc m'n'homme, te m'prinds pou' eun' toutoule ;
P'tête mêm' carrémint pou' eun' indoulle :
Pisque te t'refuses à m'honnorer,
T'vas vire, mi j'vas t'déshonnorer !!!"
Eul' morale de cheulle térrib' histoire
Ch'est que tchand qu'vous rintrez mat eul' soir
Invoyi au lit tout vos gamins
Et confiez l'tchien à in vijin
Puis serrez à clé les port' les f'nêtes
Pis chu'l fu, faites chauffer de l'blanquette
Eteindez l'portap' et pis l'télé ;
Faites vous passé l'invie d'arcomincher
Ch'est comme cha qu'in peut vif' des années
Aveuc la paix dins sin foyer !!!!!!!
Un tiot mot pour Eum' nénette, cha m'a vraimint plu l'tiote chanson, al est très mignone, j'la connaissos pas j'ai eu plaisi al lire.
Adé mes gins.