Vermelles, la cité du philosophe (2)
par Marie-Claire le, 29/08/2007Jé n'pouvos pas aller dins l' Pas d'Calais et n'pas passer à l'cité du Philosophe à Vermelles, pour rappel j'étos passée el 18 juillet 2006 au momint dù qui z'étotent in train d'détruire el cité et à l'époque in dijot qui avot eune "résistante" qui restot là et qui n'allot sur'mint pas ténir el coup longtemps
Ben ale est core là ! el seule mason qui est core sur pied, au milieu d'eune cité détruite dù que l'nature ale arprind ses droits , j'a pas osé buquer à s'porte pour discuter avec elle, mais j'voudros bien savoir commint ale vit cha et pourquoi in l'a laissée là isolée
J'em deminde même si es' façade ale a pas été arpeinte d'pis l'année passée
J' vous mets in lien chés photos du 18 juillet 2006 au momint del destruction del cité
Vermelles la cité du philosophe
et ci-joint quelques photos du 19 juillet 2007
( 4 photos)