Les jardinssouvenez vous des saurets (1)
par Margouillat le, 01/09/2007Banjour à tous ces gins.
J'sus nouvio such'site.
J'habite pu din l'nord, mais j'y ai cor del famille. Jé n'sais pas écrire le ch'ti alors je l'écris comme je l'parlos quand j'étos tiot.
Comme à tertous, j'pinse, découvrir "histoires de ch'tis" m'a r'mué. Merci au créateur.
Au sujet des saurets, j'dos préciser que ceux qu'in préférot à l'baraque, chétot les "croques" comme in les appelot, chétot ceux qu'avotent chés z'oeufs d'dins.
Chétot salé, mais qu'est c'que chétot bon! Ch'cros qu'in a bin du mal à in trouvé cor, si in in trouve cor.
Cha donne l'iau al ' bouque ed parler d'sauret...Em mère al les préparot ed plusieurs façons :
1- al faisot cuire des pétotes à l'iau et à la fin del cuisson al posot chés saurets d'zeur pou qui donnent gout à chés pétotes
2- al les faisot cuire dins l'four del cuisinière quant al faisot des grosses pétotes au four
3- al les mettot dins l'gril à saurets in inlevant ches ronds d'cuisinière : cha cuisot vite , cha sintot dins toute el mason, mais qu'chétot bon aveuc eune pétote à l'iau , un bon cornichon et des tartines beurrées........
J'ai essayé d'in refaire , mais ch'étot pu parel , i manquot l'cuisinière à carbon, ch'l'ambiance et j'em' sus pas régalée ! chés saurets i z'étotent meiïeux dins mes souv'nirs qu'dins m'n'assiette !
