RC Lens 5 - Berne 1
par kiki le, 02/09/2007Bonsoir ou bonjour à tertous, le 30/08/07 avec mes infants in a passé un' bonne soirée à Bollaert et comme le dit Marie-Claire i avot un' imbiance des plus formidape ch' soir là.
L'équipe ed Lens al étot armontée, in veyot courir chés jueux dins tous les sens à part l'but qui ont incaissé un p'tit momint d'inattention, i z'ont rien lachés in aurot dit des morts ed faim, cha chétot un match d' foot.
Achteur autour d'ech terrain y z'ont rabaissés chés barrières, avant i faizotent au moins deux métres et maintenant in vot bin d'ssus ch'terrain, et chés ballons vous savez i volent bin dins chés gradins.
I z'ont aussi installés deux écrans d' contrôle in diagonale, un entre Tranin et Lepagnot et l'autre entre Mareck et Delacourt, vous l'verrez d'ssus chés photos qu' j'ai invoyé avec l' déroulement du Match.
Et i a aussi un but d'arfusé sinon chétot 6-1.
Je n' sais nin si ché l'effet Papin qui a porté ses fruits, mais j'espère qu' cha va continuer ainsi, i a incore du quemin à faire.
Je n'dis qu'un' chose ALLEZ LENS ALLEZ LES LENSOIS.
( 6 photos)