vaut mieux tard que jamais !
par annie62110 le, 04/09/2007bin mes gins ch'matin j'ai eu eune rute surprisse, que j'vous raconte !!!
i a deux ans in a fait eune terrasse , et in a commindé des matériaux dins un magasin à l'inseigne jaune et bleue, minloute i dot connaite
donc arvenons à nos moutons, quand in nous a livré i minquot des sacs ed graviers, i z'étotent à cours, in a quand méme réussi a faire ch'travale qu'in avot à faire et in nous a rimboursé ché sacs minquants fin d'l'histoire!!
eh bin!! non ch'matin ch'est à dire deux ans aprés in tape à m'porte un camion d'livraison i m'ram'not min gravier, in étot réstés bloqués deux ans dins ch'l'ordinateur vous dire qu'j'étos étonnée ch'est peu dire, enfin mi j'leur donne pas d'conseil mais i f'rotent pas mal d'arvire leurs programmes informatiques
j'vous ai parlé l'aute jour du gravier qu'in m'a livré avec deux ans d'artard, bin aujourd'hui pou finir ch'l'histoire drole, j'ai r'chu l'facture que j'avos soi disant réglée par chéque, aussi j'vous dis pas commint qu'min téléphone i a cauffé, si cha continue i vont m'invoyer eune équipe d'ouvriers pou faire ché travaux
j'attinds la suite !!!