Les jardinsBruay ,''Marcel la glace''
par oli6283 le, 11/09/2007Marcel, in été, ch'étot eune aubaine pour tous chés jones !
Tout l'mont' y savot qu'ch'étot li.
Y'avot qu'à intinte s'trompette quand qu'i arrivot: y juot l'air: "As-tu vu la trompette, la trompette...."
Et ch'étot l'effervescence dins chés corons du qu'i passot.
J'l'arvos cor avec sin biau tricycle motorisé jaune clair, et pis, d'vant sin grand guidon, y'avot eune espèce ed'coff' tout décoré, avec ses 4 colonnes in spirale pour tenir éch'toit. Tous chés trésors y z'étottent pa d'zous, 4 cloches hermétiques: glaches vanil', chocolat, pistache, café, fraise...
Y'in remétot souvint eune pétite zique dins ch'cornet, pa'dzus.
Cha faisot des sacrés cornets d'glache, et pis in plus, al'étot sacrémint bonne, el'glache à Marcel !
J'étos tchiot, mais j'in rappell' cor bien, hein Minloute ?
