chinquième et dernier épisote pour l' plache
par minloute le, 29/06/2005Ch'repas i est terminé, ch' l'homme i ravisse el télé, i s'ro prêt à dire à grand mère ed faire moins d' bruit en faijant l' vaisselle, mais là i sait qui do l' mette in veilleusse, pasque si i veut qu' ptit jesus i so contint, faut faire un minimum, eune fo qu'ale est assisse a coté d' li et qu'ale souffe un coup, il' ravisse pas del même façon, sin eule i brille, i fait des manières, i fait sin intéressant, bref si i cro que grand mère ale a pas compris s' maneuffe, faut vraimint qui so bête, cha m étonne pas vous zallez dire ché garnoules et là j' vous contredis pas.
Pasque l'homme savez ché un éte exceptionnel, pasque avant d'aller s' couquer i d'minte à s' femme ed li mette del crème su ses épaules et sin dos vu que cht' animal i est rouche comme eune écrevisse, qui pourro pas supporter d'avoir eune kémiche sul dio, cha li fro trop mal, et bien ché garnoules ché là que l'homme i est plus fort qu'eule femme, ché que même si a d' mo à sin do, et qui souffe el martyr, ben i est toudis pret à tremper s' noule .... aprés in dit qu'un accouch'mint ché terripe et si que ché zommes i accouchottent i auro moins d' gosses, cacoules ed femmes cha ! Busiez à vote homme qui malgré sin do, i est prêt à vous montrer s' n'amour.
Bon j'freume vite el sujet avant que j'arçoiffe des tomates sum' guiffe ......
Après manger à la plage 6eme épisode