à s' taper l' tiete par terre
par MINLOUTE le, 15/11/2007grand mère y a des coups ale a ses bras qui quettent et j' la comprint, essayez d' me faire minger du bifeque, bin zavez interet a vous l' ver tot, par conte au restaurant j' prints du chateaubriand, ou del bavette que j in ming'ro pas al' mazon
l' pire ché l' agneau, ichi rin qu ale sintir , cha comme chi j avo des vapeurs, et.....quand qu in va en espane au restaurant , j prints souvint des cot'lettes ...d ' agneau .....
meme si ale a ses bras qui quettent a terre quand qu ale vo qu' j in prints au restaurant, y a un truc que j' peux meme pas sintir quand qui cuit , ché l' foie
faut dire mes gins , j'dis cha aux plus jones, et meme ceux d' em génération , j' su né en 1960 qu à ch' t époque là quand que t' mère ale am'no un plat sul' tappe chéto pas possipe d arfuser, achteure, j' diro presque qu in fait ché arpars in suivant l' gout des jones , arfuser d' minger un plat chéto eune rebellion, un acte ed désobéissance, nan , ché phrases chéto "faut minger d' tout" , "ché bon pour ti", " teu verra pu tard, t aim'ra cha".... ah combien d' coups in avo tout dins l' coin del bouque toute el' viante in tas, prémachouillée et qu in arrivo pas a l avaler, là ch' ton i monto "bo d' l' io", et t avo interet a l' faire ou alors té t arringeo pour in donner discret'mint ach' tchien qui éto assis à coté d' ti et qui t argardo avec un air du genre "si t in veux pas mi j in veux bin" cor fallo faire attention d' pas tout li donner d un coup sinan l' mère ou ch'père i s in douto, i fallo pas aussi que tchien i minche cha bruyamint comme un goulaffe, ah chéto risqué, et l' pire mes gins l' pire, ché quand l' mère al' voyo que t y arrivo pas et qu' t arcracho l' tout au bord de t' n assiette, alors là ch' ton i monto , in éto privé d' quéquosse qu in aimo bin durant eune semaine, et pendant ch' temps là ch' tien li is' douto que cha allo et' pour li, et là i t argardo pu , i raviso tous ché gestes d' eut' mère, l' bouque ouverte, in s'disant mon dieu que malheur al' va ch'ter cha al' poubelle pourvu qu ale mette dins m' gamelle
cha vous rappelle rin mes gins ?