l'quévau du fond
par autrot le, 18/11/2007L' quévau du fond.
Tout au long dé s' quémin, in marchant par routine
Est-ç' qui rêve à l'av'nir qui pourrot bin avoir?
Est-ç' qui vot dins li-mêm chu qué l' sort li destine
Quand i s'in va tiêt basse, au mitan dé' s' couloir.
Le gardien d'écurie: il soignait
abreuvait, nourrissait les chevaux et
veillait à la propreté des litières.
Ej sus blessé au bras. Pour éviter le chômache,
In m' plach' méneu-d' quévau du côté d' laccrochache.
J' conduis un biau qu' vau blanc qui porte el nom d' Rogué,
Malin comme un qu' vau d' cirque et bon comm' du pain d' blé.
C' bonn' biêt' travalle à l' foss d' pus l' comminch' mint d' sa vie
Ch'est li l'infant gâté d' tous les qu' vaux d' l'écurie.
Dins les momints d' arpos, à l'appel d'un gamin,
Rogué va suivr' l'infant, heureux comm' un bon tchien.
Au briquet, chaqu' matin, quand ej minge em tartine,
J' sins catouiller su m' cou l'air tiède ed ses narines:
Ch'est not malin Rogué qui allonge es tiêt' vers mi
Pour r' clamer l' pain qué m' mère all' m' a donné pour li.
I sait, avec es tiête, ouverre eun' port' fermée,
Et si in met à tierre eun' lamp' seule, alleumée,
Il arrête es train d' berline, il arnifell' d'effroi,
In busiant qu' ch' est un homme' kaïu pa d' vant l' convoi.
JULES MOUSSERON