mémére al dijot
par annie62110 le, 26/11/2007quand al attindot quet'cosse ou quelqu'un et qu'cha tardot à v'nir al dijot toudis "ch'est long comme un jour sans pain" et croyez me al savot d'quoi al parlot, née in 1895, in service dins eune ferme in 1903 (à 8 ans) al a du in connaitre des jours sans pain
avec elle pas question d'in j'ter un bout ch'étot un sacrilége, et comme par la suite dins s'vie al a connu chés deux grandes guerres al craignot toudis d'manquer d'quoi que soit, al avot toudis des réserves et al avot du mal à accepter l'gachis, l'brissodache comme al dijot
mi j'adoros m'grand mére et je r'grette ed pas avoir su i dire !
aussi quand j'vos tout l'gachis qu'not'société moderne al a ingendré je m'dis qu'si nos vieux i veyotent cha cha les rindrot malates !!!
mémère Celestine i fallot pas i offrir des fleurs acatées au commerce, chétot un sacrilège cha s'mingeot pas chétot un gaspillache