Symboles et Légindes ed Noé 1
par TIOT RITAL le, 17/12/2007In dit qu’in compte l’z’années à partir dé l’ naissince ed Jésus. Alors pourquo Noël ch’est pon el preume jour ed l’an ?
Pou Romains l’preume ed l’an ch’tot l’preume ed Mars. In artreuve des traces dé ch’calindrier. Ainsin si in compte les mos à partir ed Mars : Mars 1, Avril 2 etc ,in arrive à 7 Septimbe (rachène 7), pis 8 Octobre (rachène octo édon huit) pis 9 novimbe (nove =9 ), 10 dichimbre (di =10) . Les chrétiens qui s’muchottent dins chés catacombes, i z’ont compté l’z’années à partir ed Noé chu qui correspondot inviron à not’ 6 jinvier moderne. Mais el Pape Libérus i vot qué l’fiète païenne du solstice d’hiver (fiétée alors el 25 déchimbe) rassane beaucoup d’gins. Alors in 354, i décide ed faire corresponde el naissance de Jésus (Noé) aveuc ch'Fête païenne. A ç’date là, les jours s'allongte, ch’est l’symbole dé l’victoire du Jour sur l’Nuit qui arappelle el victoire ed Jésus sur l’mort. El date du preume ed l’an cang’ra cor mais in 1563 el Roi frinçais Charles IX i décide qué l’preume jour ed l’an cha s’ra el preume Jinvier. S’n’ecsimpe i sui pa tous les ros d’Europe. Edpu ch’temps là, in a pu cangé el date du preume jour ed l’an et in a don un décalache avec Noé
A partir ed d'main ,chaque jour , in vous pal'ra d'chés Symboles et Légindes e Noël
Tiot Rital « Légindes et Symboles ed Noé »