Les jardinsles trois messes basses
par minloute le, 26/12/2007pour attinte la noel, em' mère ale s' occupo d' mi et l aprés midi j avo dro à plusieurs histoires qu ' ame liso mi assis à coté d' elle, l' tete arposée su m' main, in acoutant bin
faut dire que l' choix des zhistoires ché important, j' a l' souv'nir d eune histoire d un tchiot garchon qui parto sur un bateau viffe dins s' qui allo d'venir les états unis, i éto tambour major, mais l' pire ed l histoire et cha j l' admetto pas i mourro à la fin
mais un des meilleux zauteurs pour nous faire attinte la noel, chéto alphonse daudet et les let' de mon moulin
plein d' tchiotes nouvelles souvint avec eune fin triste
in connaisso l' histoire del' maguette à m'sieur seguin , mais in espéro toudis un peu que so m'sieur seguin i alo freumer l' farniete du qu as' sauve, ou alors que ch' leu i so pas dins l' foret bin nan , a chaque coup que m' mère al' liso l histoire, à chaque coup i mingeo l' maguette....
l elixir du révérent père gaucher, qu à la fin , bin ch' moine i éto toudis plein comme un boudin mais qui faijo l' elixir pour l' bonheur d l abbaye ....
pi l' vele ed noel m' mère am' raconto , l' histoire des trois messes basses
savez l histoire du curé qui do faire tro messes l' soir ed noel, pi qui sait qui a un sacré arpas qui l attint, et que d' plus que l' soirée qu ale avinche dinch' temps pu vite i fait l' messe et que meme l' derniere ale est expédiée in deux tro mouv'mints mais cha li profito pas à la fin ....
des tchiotes histoires mais qui nous gardottent in haleine, et qui nous ont donné l' gout d' lire un peu plus tard
( 2 photos)
