Symboles, Légindes ed Noé 7

Les z’illuminations d’cités ( villes)

Dins l’temps vers Noé, pou élogner el mauvais’té du diape, in plachot padzeur l’intrée dé l’mason du gui et du houx. Cha vot aussi l’avantage d’imbellir.
L’z’illuminations des quémins (rues) alle est v’nue aveuc l’électricité. In 1912, à Boston (U.S.A) les sapins ont archu d’z’ampoules pou illuminer l’cité. In France, pou faire l’réclame d’ses carettes, Citroën a mis plein d’leumières su l’Tour Effel. L’z’illuminations des rues cha s'a vrémint dév’loppé i’a eine dizaine d’années aveuc l’z’ampoules à faipe consommacion . N’impêche qu’cha arprésinte quaind même un rude paquet d’doupes. V’là chi quèques chiffes des dépinses ed quèques cités :

? = chiffe non donné pa l’ville
Km = kilomères ed guirlandes
Heures par jour = Moyinne d’heures par jour illuminées

Cité Nompe Dépinse € Dépinse € Jours Heures Km
habitants installation Consommation illuminés par jour
Marseille 797000 760000 ? 39 6 17
Paris 215100 684000 ? 31
Strasbourg 264000 450000 13200 51 10 8,6
Bordeaux 215000 450000 30000 31 8 40
Lyon 445000 360000 22400 56 6 6
Reims 187000 551120 12000 42 8 8
Lille 185000 200000 ? 47 5,5 15
St Tropez 5630 220000 ? 31 ? ?
Toulouse 390000 147500 10000 41 9 26
St Etienne 180000 360000 12000 40 5,5 7,5


J’veux pon finir par eine note trisse mais quaind même in peut s’ermeuder si ch’est bin utile ed faire tant d’dépinses alors qu’i a bocop d’gins qui ouévent mais n’ont pon d’mason pasqué el loyer i’est treup ker ocore qu’in 2008 i’a cor des pauffes diapes qui treuvent el mort pasqu’i ont frod !
Ch’est là, el paradoxe d’not’ société. In busie qu’i fot oblier ses tracas. In dépinse gramint pou les fiètes ed fin d’année in s’disant : « Proufitons aujourd’hui pasqué d’main in sait pon commint i s’ra fait ! »

Voilà ch’est fini pou les Symboles et Légindes ed Noé. I’avot cor gramint à dire mais j’ai copé pou faire court. Ej’ raconte el version lonque dins les veillées chez mes comarates lillos, roubaignos , maubeugeois et aussi eine paire ed tiots villaches arculés, là dus qu’in m’invite , là dus qu’in treuve el caleur humaine, el fraternité.

J’ai pon vu d’commintaires alors j’espère qu’cha vous a plu. Achteure, i m’resse à souhaiter à Marie Claire,Minloute, ceusses qui les assistent et ceusses qui vont su l’site , une bonnne santé et bonne Année 2008 !

en tout cas moi j'ai lu avec plaisir la série des symboles et légendes de Noël et merci pour ces textes
bonne année 2008 à vous aussi

Bonjour ou bonsoir à tertous, comme d'habitude, l'Tiot Rital i m' ravit par chés textes, mi aussi , j'lui souhaite ainsi qu'à tout s' famile eune bonne et heureuse Année pour 2008, ainsi qu'eune bonne santé. Que 2008, Et qu' par les touches informatiqued et l'adsl Ech Tiot Rital continue à nous faire réver. Adé mes gins.