eune tchiote pieche magique
par minloute le, 02/01/2008alors là , armontez eune paire d' dizaines d années in arriere, in va parler d eune pieche magique que nous ché jones in avo INTERDICTION d' toucher , j avo l impression que cha avo autant d' valeur qu eune pieche d' or
eune pieche que seuls ché zadultes i pouvotent toucher , et pas nous
au d' la d' eus' valeur pasque d abord chéto en fait vraimint fragile, cha pouvo qu' nous intriguer , j' vous parle du saphir
ouais ch' saphir, chte tchiote pièche qui éto sous l' bras du tourne disque
commint comprinte qu eune tchiote pointe comme cha in passant such' disque cha faiso qu in intindo l' musique ....
in s' metto souvint à croucrou d' vant ch' tourne disque et un voyo ch' saphir tourner comme cha dins ché sillons, i a des coups quand que ch' disque i éto un tchiot peu voilé, t avo l impression que ch' bras du tourne disque i vivo , pasqui suivo l' défaut du disque, in avo l impression qui s' levo et qui ardéchindo
mais fallo bin essuyer ché disques avant d' les mette su l apparel sinan chéto ch' saphir qui récupéro tout et t intindo moins bien ch' son, alors ti t avo que l' dro d' dire qui avo du brin such' saphir, mais mon dieu que malheur t avo pas interet a arsortir ti meme ch' brin sinan té pouvo artirer ch' saphir du bras et après t avo l air con, j' sais cha m est arrivé, et quand qu' min père i a vu que j 'l avo fait , j avo m' n air bete à tous les coups i a arrivé sur mi que mi j a eu peur et que dans l' peur j a fait tomber l' saphir à terre , qui a fallu in momint avant d' l artrouver donc j a pris deux cliques eune pour avoir artirer l' saphir et eune aute pasqu in avo eu toutes les peines du monte pour l artrouver ........
aut' souv'nir, t avo pas l' dro ti d' mette ch' bras such' disque, ouais j' va expliquer aux plus jones qui n ont connu que les mp machin chosse et bidules parel, des chosses certain'mint miu mais sans magie j' trouffe, ouais chéto délicat pour mette ech' bras such' tourn' disque
vla ché risques
té metto ch' bras trop loin, l' canchon ale éto comminchée, so teul' metto trop au bord et té risquo deux chosses , so i parto vers l' centre d un coup alors la cha faijo bzzzzzz ou alors pire, té l' metto trop pret du bord et i parto a l extérieur et i artombo sul' bord del platine, alors là cha faijo ccccccrrrrrrrrr
ah ouais mes gins souvenir souvenir
( 1 photos)