L’ vieux mineur, Jules Mousseron
par kiki le, 14/01/2008L’ vieux mineur, poème de de Jules Mousseron
L’œil éteint, s’ viell’ piau tout’ jonne,
L’ n’est point gai, l’ vieux mineur.
Eun’ fichelle artient s’ marronne
Et cha n’annonch’ point l’ bonheur.
Il a tell’mint des blessures
Qu’in n’ sarot pus les compter.
Il est couvert ed’ coutures
Pir’ qu’un ancien guernadier.
Si cha s’rot parmi l’ mitaille
Qui s’arot si bien conduit,
Il arot d’pus d’eun' médaille,
Mais il s’est battu d’in l’nuit.
Va, concol’-té, brav’ Batisse,
Les rubans, t’les as d’sus t’ piau.
In vot bien qu’tas du service :
T’carcass’ ch’est un vieux drapeau !
Equettes, novembre 1963