Les jardinscours du soir bruay
par minloute le, 15/01/2008min père i a comminché à travailler aux mines à 13 ans , juste aprés sin certificat d étutes
y a eu l' chance d' pas pouvoir déchinte au fond vu qui avo des problemes ed genou avec del synovie, cha fait qui a vécu jusqu à 91 ans , in tout cas cha l a aidé à viffe longtimps, j' cro et quand que j ' dis cha ché eune formule, j' cro pas qui a beaucoup d' mineurs qui ont vécu si viu qu' cha
donc aprés eune paire d années du qui a travaillé à nettoyer ché berlines qui armontotent du fond, i s a espécialisé avec ché cours du soir ,pour pouvoir canger d' poste et pour devenir magasinier
ci joint un croquis daté de 1928 , ché d' sin cahier de cours du soir
et eune deuxieme photo , excuse me m'man, mais ché pour comparer deux styles ed dessin, m' mère ale faijo dins l abstrait, i n a qui disottent , elle en premier , qu ale éto vraimint pas douée pour ch' dessin, j' diro plutot, pasque ché m' mère, qu ale avo eune approche particuliere d' la représentation graphique .....
mais à bin y raviser pasque j vous dis que ché un sac ed dessiné, cha m' fait presque penser à du "starque" savez ch' ti qui a révolutionnné l' habitat intérieur, in tout cas ché l' meme approche pour mi ....
( 2 photos)
