Les jardinsdrole d'engin
par annie62110 le, 31/01/2008in est in 1952 j'ai cinq ans i fait biau et j'jue dins l'rue y'a tous chés gosses de ch'coron et mi j'lorgne m'tiote voisine et sin nouviau vélo !!
cha ch'est min reffe mais comme m'tiote soeur al vient d'arriver mes parints i sont pas riches, et pourtant j'sus continte mémére al vient d'arriver à l'maison, et mes parints i sont partis j'sais pas dù mais ch'est pas graffe j'sus pas tout seule
eune heure plus tard i r'viennent avec un drole d'engin qui posent d'vant mi, cha a trois roues un siége deux grands guidons, ch'est bas, bref je l'sais pas core j'viens d'hériter d'un cyclorameur
tous chés tiots i font cercle autour ed mi, in m'installe ed'sus mais voila le hic ch'est que j'sus trop tiote, j'ai du mal à attraper chés rames et mes pieds i sont trop courts aussi, même ch'siège ravanché au maximum j'm'use à ramer, mes parints sont contints mais pas mi j'voulos un vélo !!!
inutile ed vous dire que ch'est mes tiots voisins qui juottent l'plus souvint avec, mi in plus du mal que j'avos pour m'in servir, quand je l'faijos aller, in veyot m'tiote culotte et cha pour mi ch'etot l'horreur, bref si papa i oubliot de l'sortir ed l'étolette bin j'brayos pas aprés
et pi un jour j'l'ai pu vu i avot été r'vindu ou donné j'in sais rin, mais j'étos débarassée!
seul'mint mes parints i zont pas du l'digérer pace que j'ai jamais eu d'vélo !!!
