les matchs ed foot dins chés corons
par nounours-94 le, 01/02/2008souvint aprés l'école quand ch'est qu'on avot fait nos devoirs, ou el jeudi après midi, in juot au foot d'inch' coron. combien ed carreaux cassés, chés ballons qui atterrissotent dins ché gardins.(ej restos dins l' rue d'Bône chés gardins i z'étotent devant). i fallot attinte el bon vouloir du visin qui nous l'rinde ou si i étot pas là, in allo y piétiner ses plans d'pétotes.
Y avot auusi el méchant qui prénot un malin plaisi à nous les crever, ej su bien plaché pour el savoir i a un qui restot juste in face d'em mason i s'a calmé quand min défunt père i s'est occupé ed sin cas
des fos aprés nos maths une fos lavés et décrassés, in allot draguer chés garnoulles ou parler ed l'av'nir assis sur ché barrières.
chéto l' bon temps l' temps ed l'insoucience.
quand ej sus artourné à Bruay l'année passée vire em n'ancienne mason cha m'a fait tout drôle. chés carettes i z'ont rimplaché chés footeux, y avot pu ed gamins ni ed garnoules assis sur chés barriéres, asteur i passent leur journée devant l'ordi ou leurs consoles i draguent sur internet.
vous allez m' dire: "faut vife avec sin temps" ché vrai! mais mi ej préfère em jeunesse qu'à l'leur. in s'épanouissot autremint qu'achteur, et in avot l'cerveau moins déringé!