l' téléphone

y a pas trinte ans qu on avo pas l' téléphone al' mason, in s in passo, mais au fond d' nous ché comme quand t intindo "li y al' télé....." et qu in t'dijo " zavez pas l' téléphone ?" t' eut ' sinto rabaissé
faut dire que ch' téléphone in l a eu quand qui zont mis ché lines dins l' rue , ouais pas comme achteure, du qu' té va acater un téléphone dins zin magasin comme chi chéto un bio jouet, ah si , zavez vu mes gins ,à acouter ché jones, comme un téléphone portape cha vieillit vite ... t as à peine fini d' el payer que ch' jone i dit, ch' dernier machin chosse y a sorti, i fait cha in plus , ti teu dit ché quo cha ? et là i leffe les ziux au ciel, té passe pour un neuneu, et it' dit mais vraimint i fait un effort pour t expliquer c' qui est évident , achteure ché nouviaux téléphones i font cha , ah ouais qu' té dit que t as rin compris....... cha fait eune paire d années qui font apareile photo, mi l' mien il le fait pas cor, et mettent des meusiques , bientot i yaura l' télé su ché portapes si ché pas djà fait .......
cor heureux que ché portapes i font pas cor thermomètre...vous m' direz i l' f'ront pas sinan i risque d y avoir del friture sul' line et quand que j' dis friture, ché pas l' terme qu in employrot cha s'ro plutot ," j intinds mal , i a del drisse sul'line" et pi cha nous donn'ro pas eune bonne haleine.....

et dire rappelez vous ...... quand qu in a eu ché premiers téléphones, a fil bin seur, qui trono such' bureau, qu in éto toudis surpris quand cha sonno....
et pi l' poids d' l appareil, té levo ch' combiné, chéto du solite, t intindo le cling de l' manette qui s' débloquo et té faijo douch'mint ché numéros such' cadran ...........

achteure y a l' tchiote ed 7 ans ale in voudro un portape, nan mais que j y a dis , té va commincher avec un bout d ' fichelle et 2 youyourts, comme mi .........

m'belle mère al avot l'habitude ed diner al maison l'diminche, em'n' homme i allot l'caire au matin et l'arconduire l'après midi, bin quand al a eu ch'telephone al avot 65 ans ch'etot eune revolution pour elle, bin al m'app'lot pou m'dire qu'al étot rintrée et pour savoir si sin garchon qui l'avot ram'née il étot bin ar'venu !
et plusieurs fos dins l'semaine al m'app'lot pou savoir au cas qui s'rot in panne, elle in peut dire que cha i a cangé s'vie, in plus in avot conv'nu d'un jour pour que j'l'appelle, j'avos pas intérêt à l'oublier, ch'etot au matin pas après midi ch'étot l'mercredi pas un aute jour !