le début du flime al' télé
par minloute le, 26/02/2008quand qu on éto jone, ché nin souvint qu on allo au cinéma, et l' télé ale avo cor beaucoup d' magie pour nous ....... j' la dja dit , nous in avo pas dro d' toucher au bouton pour alleumer , éteinte ou monter ch' son .....
quand qu in pouvo rester pour raviser un flime, chéto pas si courant pasque y yavo toudis l'phrase fatidique "d'mainyaécole" , sans parler de "ché pas pour ti" , et j' parle meme pas du rectangue blanc ................ tout cha pour qu in vo pas un bout d' gougoutte, alors qu achteure, té vo qu' cha , meme su ché publicités sur ché bus ......
bon début du flime , et là in s' taiso, pasque cha commincho fort, so in avo dro ach' yion del métro goldwin mayer, à ché leumieres anti dca, comme j' diso, pour la touenti century fosque, ou al' statue avec eune leumière ed la colombia ....... cha canjo des débuts d' flimes francais, chéto plus pompeux, plus mise in scène, et nous in éto djà conquis ,in savo qu in allo vire ché coboyes, ché zindiens, ou des batiaux d' guerre
achteure l' tchiote ed 7 ans ale print ché télécommantes, et clic et clac, j' te cange ,j' mets such' cabe, et j' trouffe m' chaine à dessins animés qui braillent dins ché zoreles à min père ......
et l' ceriche such' gatiau , chéto pendant ché vagances et meme l' jur ed la noel ou du nouvel an qu in avo dro EXCEPTIONEL'MINT à 1 , voir deux flimes l aprés midi
et d'dins ch' lot in avo dro à fort alamo, ché t' un flime que j a jamais vu intier, i commincho que nous ché tchiots in auro bin voulu vire mais à tape in éto cor al' salate ou au fromache dins ché meilleurs cas
j a jamais vu j'début, mais i m' laicho toudis sum' faim ch' flime là, pasque chéto ché méchants mexicains bien habillés qui gagnottent conte ché bons zaméricains, jone ouaine in tete .......