Les jardinspépère André
par Potié Vital le, 26/02/2008Pépère André du Philosophe d'Vermelles i s'occupot d'chés boules, vers 15 heures ch'étot l'heure d'mette in route, i tapot dins chés portes, i faijot l'tour in criant aux boules et tout l'monte vénot su la place par in bas
y avot aussi par in haut, l'cité al étot partagée in deux tout l'monte se fréquentot mais in dijot i est d'par in haut ou d'par in bas, chétot comme cha
mi j'vénos du 3 cha n'avot rien à vire avec l'Philosophe et j'étos étonné de l'ambiance de l'cité
Donc pépère i rassemblot tout l'bas et i passotent l'après midi à juer
chés boules in les mettot dins deux caisses in bos, fallot les porter à deux
in les ringeot dins ch'l'étolette à pépère
Quand in allot in vacances ch'étot à mo mémère Célestine, in juot aux boules avec chés gins les après midi, in n'avot pas d'auto les premières années, cha a bien cangé
