avec l' pio bin sur
par minloute le, 29/02/2008j a été invité y a quequ' temps chez des zamis, ah ouais , tiens j' va faire eune digression , ché pas l' premiere ni l' derniere , mais mi j a mes amis, et grand mère ale a ses amis , et in va chacun d' not' coté
ouais ah la la zallez cor dire , que coupe, i sont in train d' disvorcer, ch' cat y est dins l horloche, bin nan
mais j' pars du principe que mes zamis ché les miens, et ché pas forchémint l' genre que m' femme cha li plairo
faut dire que par chi, les béarnais ché du fort en gueule, pas méchant pour deux sous, mais si té lé conno pas té croro que quand qui t'parle so i t ingueule, so i est pas contint, so in li a tchié sur les bottines ..........
pi cha bo ......... ché pas l' genre à grand mère , alors j y va tout seu, comme aussi grand mère ale va au restaurant avec ché copines
ah la la , bon d abord j' su interdit ed ' venir, mais j ' pourro que j iro pas, ah nan, in arpas qu avec des garnoules, nan , faut les laisser accroire qu ale sont les meilleures, qu in est cor des tchiots garchons, et patati et patala, que ché elles qu ale font tout , mais que quand ale rintent al' mazon et qui a un cadre à poser ach' mur , y a interet à c' que so ti qui fasse ech' trou avec l' perceusse, sans quo ch' qui risque d arriver comme el' dernier coup, chéto grand mère qui tourno autour del' perceusse et ché pas pour cha que ch' foret i rintro dinch' béton
ale a failli s' faire du maux alors j a arpris l' situation en main ...... ale a baissé les ziu comme si ale avo enfin compris qui ché qui comminte al' mason, et qui ché ch' chef ichi (j' me dépéche del marquer , j in profite qu ale est dins l' véranda et qu ale passe pas s'tiete par dessus m' n épaule à raviser c' que j écris, pasqu à forche ale comminche à comprinte ech' patois, in tout cas ale comprind que c' que j écris ché pas forchémint in s' faveur.....)
donc j' arviens à min sujet du début , inviter amon d' mes camarates, parel d ailleurs, ché li y a que s' femme, min aut' camarate i vient jamais avec s' garnoule, d ' ailleurs vers minuit eune heure au matin i ravisse es' monte et i fait semblant d' braire " m' femme ale do et' rintrée d' sin match ed baskett, et j' su pas al' mazon" , (ché pas pour cha qui s' leffe pour rintrer ) ....
donc j arviens à min sujet , arretez d'imbeter sinan j' va jamais y arriver mes gins ...
donc chéto soirée raclette, très bien mes gins avec del' charcuterie béarnaisse (jambon, boudin fro, indoules) et del charcuterie basque ( pour réseumer ché des patés, des saucissons ou des saucisses du qui mettent plus ou moins d' piment d espelette, un délice )
donc arrifffe ché pétotes, mi j' prints les pétotes et j' les mets dins m' n assiette comme cha , eux i prennent un temps fou à artirer ché p'lures....
alors j' fais d' expret d' les attaquer , pasque si té dis rin cha va t' tomber sur tes équalettes.... malheureux que j' dis, savez nin minger des pétiotes à l io , tizautes ! i m argartent avec des ziu comme des quequettes d'rat, bin ouais qu' j leur dis cha s épluche pas des pétotes, l' meilleur ché la pio ..... alors là j a dro à " in vo qui est du nord chti chi , y a eune paire ed neurones qui sont cor cong'lés" j' vous l' dis un patois car ichi y a leur accint qui est pas mal aussi
alors j' leur fait un cours, là i sont saches i zécoutent, j' leur fait un cours sul' pétiote, such'beurre qu in laisse fonte ed sus , sul' pétote au four, que l' pio, mi j' mingero qu' cha , nan, i zont d' grandes gueules, i zacoutent quand meme, bon i vont continuer à artirer ché p'lures, mais ché discussions ouvertes, l' coup avant mi j avo pris un cours , in mingeo del garbure, ché comme eune soupe mais d'dins i mettent du canard et des péteux, ouais, j a pris un cours sur ché péteux, ah nan malheureux faut pas dire péteux ou musiciens, pasqu ichi i dissent pas un haricot, pasque pour eux in n a qu un qui est bien ché "le tarbais" alors j a eu dro à un cours "sul' le talbais" avec l accent
ché cha qui est bien loin d' ses terrils, j' leur parle du rassacache, j' leur explique l' verpe arsaquer, et eux d' leu coté i m apprennent l' nourriture du coin , un échanche ed bons procédés .....
Tout comme Minloute, j'adore manger la peau des pommes de terre surtout quand elles sont cuites au four. Quel régal!!
Je travaille avec des enfants et parfois nous avons des "patates" au four, et certains me regardent éberlués manger la peau, bien entendu je n'oblige personne à faire comme moi mais ils ne savent pas ce qu'ils râtent!
De toute façon les pommes de terre ont été lavées et c'est sans doute plus sain qu'un "hamburger". Je n'ai pas le talent de Minloute pour écrire en patois mais c'est toujours avec un trés grand plaisir que je lis ses histoires, parfois je ris toute seule devant mon ordinateur.
Le site fait partie de mes favoris, pour moi c'est une bonne thérapie et j'espère que cela durera longtemps. Bravo et merci.