l' tour d' la lawe in courant
par minloute le, 02/03/2008j' arprinds l' reflexion d' Boxerman sul' fait que ch' prof ed sport i nous faijo courir autour d' la lawe et qu in pouvo pas tricher
mi j a ch souv'nir là , surtout lié à eune course non pas d' vitesse mais d endurance , ché à dire qui fallo faire tro ou quat' tours j' m in souviens pas exactemint et li y éto au niveau du pont, et i marquo nos temps d' passache
et y avo insisté que chéto nin eune course ed vitesse mais i fallo tourner dans les memes temps
ché pas des carabistoules, mais mi j a eu un des meilleurs temps, si j el' marque ché que chéto exceptionnel, mi j éto nin un sprinteu, un courseu, nan j allo à min rythme
et j' me souviens qui ingueulo certains quand qui passottent ch' pont " té va trop vite" "té pas réguyier".....
mais pour in arvénir au fait qu in pouvo pas tricher, i n a un qui l a fait , i avo pris eune paire ed sacs plastiques, et arrivé un tchiot peu plus loin, que ch' prof i pouvo pas l' vire, i arsaquo ché godasses et ché cauchettes, et i a traversé l' lawe in mettant des sacs plastiques à ses pieds, bin seur cha servo pas à grand cosse l io al'arrivo au niveau des g'nous mais chéto aussi eune sorte ed défi à pas faire ché tours complets