règle in bo

à l'école in avo des règues in bo, chéto pas pratique, in tout cas pas pour mi, que m'mère al' levo les ziu au ciel, que j'éto qu in brisaque, que j' pouvo rin garder , que ch' casso tout , am' comparo à attila, et l espression à min père chéto "assassin" , ah vinguette si j avo du aller in prison à chaqu' fo qui m'diso assassin, j' cro que j auro été condamné al' perpétuité ....
mais pourquo qu in avo des règues in bo vindiusse ? in n avo in fer, mais ch' maite i nin voulo pas, pasque i n avo toudis un qui l' faijo querre et cha faijo un bruit du diape, alors in avo dro qu aux règues in bo
mi j' sais nin commint que j' faijo min compte mais j' devo in casser eune tous les mos.... so que dans l' précipitation quand qu in devo ringer ses affaires, j' trouvo jamais l' plache pour l' régue et qu ale dépasso du cartape eune fo freumé, et là pouvo et' sur que minloute i s' preno les gampes ed' dins et qui la casso, ou alors quand que ch' maite i éto pas là ou cor in bas, in juo aux zépées avec, ah ouais,chéto d' sacrés sabres, mais pas trop resistant, juste à l indro qu in sin servo, j' me souviens que j a du d'minder eune aute règue à mes parints pasque ch' maite in passant i avo vu que m' règue "ale arsonno plutot à un peigne qu à eune règue" vu l' nompe ed coups qu ale avo d' sus "commint veux tu tirer un trait dro avec cha ?" bin j auro du plutot l' casser in rintrant que d'dire à m' mère qui fallo in canger, "ouais mais quo qu' té fais avec" " t as d'respect pour rin " " casse tout, ché pas ti qui paye" et j in passe et des meilleures
mais cha ché cor rin, j' me souvins que j avo un camarate qui s a fait coincher, i s' avo servi des'regue larche in bo pour marquer au verso "eune anti séche" comme qu on dira plus tard quand qu on s'ra in sixieme
i avo djà d'grantes zoreles , mais là chéto trop bio pour ch' maite, qui l a inm'né avec li, l aute tout tordu d' abord ed douleur pi plié in deux quand meme, jusqu à l estrate, j' connaisso sin père i a du s' printe eune aut' ramonée eune fo al' mazon .............
mais meme in arvenant à ché règues in bo , chéto pas facile d' faire des traits avec avec sin porte pleume, ah ché jones savez pas l' bonheur d' pas avoir à tirer des traits avec cha , té metto trop d' encre, cha bavo, tin metto pas assez, t artrimpo tin porte pleume et ch' trait aprés i éto plus gros ou alors l' pire, té tiro tin trait et t artiro t' règue tout d' suite sans faire attention, et là té pouvo et' sur que t avo eune trainée d' encre sur tin cahier .....

j a arvu y a pas longtimps un cahier à mi un cahier d' ce2 , bin quand que j' l a vu , j a compris pourquo min père i dijo "assassin" que d' ratures, que traits d' travers, que d' fautes, mais cha m a pas impéché y a deux jours d' couper ché 4 pieds del tape dro , l' preuffe que quand qu on vieillit, in s améliore............

in arlisant l artique, j' me souviens que dans l' précipitation qu in freumo nos cartapes, quand que m' mère al' rouvro al' majon, ché cahiers i zétotent écornés, ou j in avo ringé un in forche dans zin aut' ........... pardon manman

mais j' cro que ché gènes ché quéquosse qui existe, connaissez pas attila 2, ché m' file, té li met quéquosse dans les mains , clac ché cassé, in li acate eune lampe, s' mère al' dit j' va l' monter té va l' faire querre, l' aute al' dit nan manman j' va faire attention, ale li donne , deux s'contes aprés t intinds blingue, ché quéu à terre "j'l ai pas fait d expret" , l' dernier coup j' y netto sin bureau in bo, chéto verdun, j armonte eune heure aprés j' vo qu ale éto toute rouche et qu ale armetto eune feule vite fait d' sus, bin ale rinversé ch' flacon d' correcteur blanc d' sus pi such' plancher in bo des' champe....."assassin" nan j' y dit pas, s' mère ale gueule mais mi escusez me, dins min coin, j' rigole, j' m arvois as' plache ............

mi ej n'in garde des malheureux souvnirs ben ouais, quand in avot des mauvaises notes, ou qu'in faisot des bétisses in classe, (es' qui m'arrivot pu souvint qu'à min tour) al servot as' faire taper sur les dos.
quand ech maîte i diso: "prends ta régle et viens à mon bureau" t'avos compris toute suite i fallot présinter tes trois dos el pouche, l'index et l'majeur argroupés bras in avant et là queminchot el supplice des minutes qui s'écoulotent comme des heures.
au début i faisot semblant ed taper par réflexe, t'artiros tin bras cha pouvot durer in momint et dès que té t'i attindos el moins pan! el règle al queyot sur té dos sans crier gare. et cha faiso ed mo i fallot miux avoir eun' règle in bos qu'in fer.
ech cros qui avot eun' part ed cynisme ed leur part, i z'aurotent eu à faire à des jeunes d'achteur ...