mélancolie
par minloute le, 07/03/2008ch' matin grand mère ale éto mélancolique, j' tiens à préciser pour ceux qui savent te pas, mélancolique; cha veut pas dire qu ale a des problèmes d' artenue d' drisse à répétition , cha veut dire qu ale est triste
j' le comprinds, s' file , j a pas dis m' file, pasque meme si au départ , min raccord ed' vélo ché li qui l a mis in route, ché pas m' file, cha l's'ra jamais, comme pour tous ché zommes d ailleurs , in peut rin nous , ché pas nous qui l avons porté, infanté et meme el'vé nan nan , i a pas ' d' moqu'rie ché la vérité , un peu d' respect et d attention quand meme à ché femmes , qui si i zétotent pas là , j' cro bin que l' monte i s'ro vraimint pire, et j' dirai meme qu in s'ro ptete pu là pasqu in se s'ro intretué y a eune paire ed millénaires ...
bon j arviens à grand mère ale est trisse pasque l' tchiote ale est ché s' grand mère dans les lantes, mi j' rigole pasque ch' conno m' belle mère, enfin de loin, faut toudis garder ses distances, savez ché comme quand que j' marche in montane, j' fais toudis attention dins ché pierriers si y a pas eune vipére qu ale est camuchée dins zin coin, in sait jamais
l' mère à grand mère ale a ker ch' calme, bin vindiousse j a eu d' zéchos , faut dire que j' la conno l' tchiotte inch' momint, un vrai zébulon monté sur archorts, bin ale a pas la vie facile s' grand mère
mais m' femme ale s innuit am' dit "mais quo ché qu on va faire quand qu on va s artrouver tout seu à deux , et qu ale s'ra partie ?" j y dis "t as l' timps d attinte et quand que té vo qu' ché jones i restent plus longtimps al' mason qu avant, pasque l' vie ale est pas facile pour eux, té pourra ptete cor l avoir à 40 ans al' mazon"
"nan" qu am' dit " as'ra parti avant" mi j' dis "bin in arf'ra un" là ale monte sur ché ch'vaux, "nan mais té rigole in aura prés d' 70 ans " j y dit "comme in dit si té veux té peut" nan ale éto pas d accord, alors j y dis " té voudro pas in adopter un ?" am' répond "nan mais té rigole, t 'eum vo à 70 ans arlanger un tchiot qui brait ,ah nan" alors j y a trouvé l' solution "pour mi faudro adopter, mais eune file pas un garchon, mais pas forchémint tchiote, tiens in in print eune d' 18 20 ans, là ale sont propes ta pu b'soin d t in occuper, et pi si ale peut v'nir ed' suede, mi j' veux bin min occuper"
là j a réussi à la faire sourire, "bin minloute j' sais nin si té pourra suiffe l' cadence avec eune jeune ed 20 ans quand qu' t auro les dents qui quettent, tout l'reste i va suiffe...)
que manque ed respect cor ed sa part, mais bon , j' dis rien, in verra bin, l' tornade ale arvient des landes d'main, in verra bin dans quel état j' srai dans 20 ans ," in viu dans eune chaisse roulante j' su sur, un vieux ronchon qui va raler si y a pas ché chicons l' midi"
j' pinso n in avoir quand meme ch' midi, bin nan hein , ale n a donné au lamstere à minger et in a pas assez pour nous minger, ouais mi i m in faut tro sinan ché pas la peine d in faire
savez, in tout cas vous l' voyez bin ,l' vie d' martyre que j a , obligé d' définte m' gamelle conte ché zanimaux, mon diu que malheur ed donner des chicons au lamstère , cha m' fait pinser à un truc qui a arrivé fin d' semaine derniere, al' crie del cuisine, mi j éto in haut , té veux du reste ed pates d' à midi, mi j' dis ouais, ptete pas assez fort vu qu' j éto in train d'pinde, j' déchinds et quo qui a dins m' n assiette, des salsifis in boite... j y dis "eh t eute fout d' mi , té m a d'mindé si j' voulo des pates" bin j auro miu fait d' freumer m' gamelle , ale avo pas intindu patati patata, que j avo qu a parler plus fort et qu ale avot tout donné aux tchiens ........... mi j va met' eune perruque et des leunettes noires et j va aller a l émission de delarue l aprés midi sur la 2