à mon dech' dentisse
par minloute le, 11/03/2008dentisse , min tchiot dentisse, m' dint al' va bin mais mi j' su triste, dentisse, min chtiot dintisse, car dans tes mains, m'dint al' va bin ....
cha y est minloute i a pris eune décision , i a arpris rendez vous avec ch' dentisse, in a pas ker aller là mes gins, et ch' j sais pas si zetes comme mi, dins l' salle d attinte, ché terripe, in est là assis , tous , in s'ravisse pas , nan chacun y est dins ses pensées qu in pourro réseumer par "mon dieu , pourvu que j a pas mau, pourvu que j a pas mau" , in espère meme quand qui a du r'tard, comme qu on éto à l école et que ch' maite i éto pas cor arrivé, in espére qui va pas v'nir et qu' ch'rendez vous i va éte arporté ....
pi l' pire quand qu' t attint dans l' salle , ché l'bruit, t intind zinnnnnzinnnnnn zinnnnzinnnn, teu participe ou plutot teu compatit avec chti qui est in train des' faire charcuter ses chicots et qu' t intint l' lancinante canchon del' roulette ......
l' salle d attinte ché un peu comme l' antichampe del' torture, ou del condamnation à mort , teu prie .......
ah cha y est l' porte ale s ouffe , merte ché min tour, t essaie ed' sourire, mi j a pas am' plainte min dentisse y a d' l humour, hier im' diso "dentisse ché l' seul indro qu in va pour ouvrir l' bouque et la fermer in meme timps" , ché vrai,
c ' qui est désagréape ché qu' ta l impression quand qui trifoule ché dints que chaque dint ale fait 10 centimetes ed largeur tel'mint que té sint qui travale ed su, pi t a qu at' laisser faire, ta l ' guiffe in bas , ouvrée comme eune bouque d égout, tes pieds presqu in l air, et t a qu a t' l aisser faire et attinte patiemmint qui t' disse cha y est ché bon pour ch' coup chi
pi y a un truc qui est pas normal, t y va , té souffre, bin faut cor equ' té paye aprés, pi ché pas donné quand meme ......
hier mes gins i a comminché à m artirer mes plombaches, pour in met' des nouviaux in céramique, bon j' vous passe ché détals, mais quand que j' su sorti j avo l' guiffe gauche cor toute bloquée suite à lanestésie, pi i m a dit achteure in attindant l' pieche définitiffe, faudra minger du coté gauche
ah ouais camarate , facile l' midi et grand mère j' sais pas si ale l a fait d expret, mais ale avo acaté l' matin meme un saucisson d' chez casamayou , charcutier traiteur à navarrenx, j' y fait un peu d' pub, pisque j a pas pu in minger, et pourtant i m' raviso ch ' saucisson, avec s' tranche bin rose, sans graisse, savez ché presque que rose, tel'mint ché du bon, mais ché nin du justin machin chosse, pour l' minger d' dins faut croquer , et là minloute, i a mingé que purée et fromache in portion que misère ...
mais mi j a peur pour vendredi , là im' fait deux dints eune d' chaque coté, là j' va arsortir du cabinet l' guiffe toute bloquée, j'va arsonner à un bouldoque , pi alors l' pire, quo que j' va minger l' soir, i pourra pas m' dire minger à gauche ou à droite j auro eune espéce ed plate ed chaque coté, mi j' vo que del soupe, ou un truc avec eune paille... que misere mes gins que misere , d un autre coté vaut miu l'faire et attinte l' plus tard possipe d' avoir sin verre à dintier sul' tape ed nuit .....