faut s' les farcir ......
par MINLOUTE le, 22/03/2008pourtant j a rin conte ché garnoules, rin du tout, mais faut s' les farcir, aujourd hui minloute i a pas arrété del journée, j' vous passe ché détails, si si , in va aller droit au but
j' mets del peinture coloris abricot miel, enfin un bidule comme cha, dins l' couloir
à peine que j avo terminé, que j avo pas cor eu l' temps d' respirer, d' printe eune cigarette pi eune biere, car savez quant un chtimi i est nache, pour s' donner du coeur à l ouvrache i bo un d'mi
bin j a pas eu l' temps j éto cor bouque ouverte pour souffler un coup , qu ame dit " té mets l' meme peinture dins l' cuisine ?"
alors jeunes gins qui débutez ou qui allez débuter dins l' vie conjugale, sachez que "l' point d intérrogation pour eune garnoule , ché un orte déguisé" , tout d' suite j a dis "bin sur chéto prévu", bin nan, mais j' veux toudis qu ale sache qui qui commante ichi, j' va boire em' biere , finquer m' cigarette, et j attaque l' cuisine, mi dins l' cuisine et elle .....gagné , vous l' connaissez bin achteure , dins sin canapé
ale a ravisé cht après midi aprés avoir été querre citron ch' canari, bin ouais i est jaune , mi j' voulo qu in l appelle ricard , ale a pas voulu , j arviens am' n histoire ale raviso un épisote de ch' sait nin j' sais qui y avo des fantomes et des gins qui pouvottent les vire et les zautes nan, mi pindant ch' temps là , in route , rouleau en avant , pas st denis par st jean, en avant , en avant chouant
cha print du timps, bien passer l' peinture, pas d' coulaches, attention à ché bois'ries d' portes, ché pout' du plafond, j' fais un pan d' mur et j y dis "faudra qu' j ' mette eune seconde couche par chi" "ouais " qu ale répond
mi eune fos terminé, j' y dis pas ché pas la peine ch' flime i éto pas fini , j' fais tremper ché pinceaux, j arbouche ch' pot, et j' va m assir dins ch' canapé, am' dit "t a terminé ?" "ouais" qu' j y dis, as lèffe et am' dit "mais ché pas ch'te couleur là que j' voulo chéto gris comme dinch' magazine" là j' y dis "acoute j' l ai pas tchié l' peinture grisse j in ai pas " et d' toute fachon ché pas chte couleur dins tin magazine, ale s artourne print ch' magazine qui éto sul' tape , ale allo m' prouver par a+b que bin qu ale avo tort, ale s éto trompé d' photo d' ambiance, mais ale s a pas démontée pour cha , ale ravisse l' peinture ale dit "ché bien, mais faudro que t armette une couche au moins", j y a meme pas dit que j y avo dit, j' su parti braire dins ch' garache
si y a quéqu un qui voudro m adopter , j' su preneur, pas cont' j' ronffe ....
ouais , ché min seul défaut ......