min patois, du Rouchi ?
par Jean Dufossez le, 23/03/2008V'là min patois, ch'est du Rouchi, j'cros ?
I a ti qu'équin qui voudrot m'el confirmer
J'dmore din Volincienno mais maugré cha ej' sus mie vrémint un espécialisse du Rouchi . El Rouchi , ch'est l'parler picard du Hainaut. A m'mote, dins les tecstes i'a, in greux, un mélanche ed mots Rouchi et d'mots du Pas d'Calais.
Pou vrémint apprinte el parler picard Rouchi , i fot lire el live ed Jean Dauby : "Le livre du "Rouchi" parler picard de Valenciennes. In l'treuve au Furet d'Volinciennes.
J'in proufite pou dire amiteus'mint à tous les gins qui vont su l'site qu'in pale point chti mais picard. In pale picard dins 3 régions principales : Picardie, Nord-Pas de Calais , Hainaut belge, aveuc des cops des grantes différinces . Tous les régimes politiques, Révolution, Empire, Royauté, Républiques voulote avant tout qu'in pale Français et i z'ont décidé qu'les lanques régionales ch'tot des patois, el parlache du peupe donc parlache des arrièrés.
Ainsin à l'Révolution l'abbé Grégoire, i n'volot pu des parlers régionaux. Parler patois cha veut arrien dire, ch'est un mot générique pusque les mait' d'école i diste aux infants normands, du Morvan, d'Savoie etc qui palte patois.
Et in sai tertouss qu'dins ces régions là, el parlache i'est différint !
In Italie el mot patois i n'ecziste point : i'a l'itaïin et les dialectes. Seul'mint ichi dins l'Nord-Pas d'Calais in a pierdu not' culture, chu qui fait qu'in n'sait pu qu'not' parlache ch'est du picard d'autint qu'eine fausse fierté voudrot qu'in n'soche point parel aux gins d'Picardie.
In Provence, in dit point qu'in pale patois, in pale "provençal" . J'cros bin qué m'réponse alle va point plaire au gins . Solé ch'est l'vérité historique.
In répons' à Tiot Rital , ch'est d'el faut' à qui ?
Mi, i m'semb', mais j'peux m'tromper, qué ch'n'est point l'abbé Grégoire qui a contribué à l'abindon du patois. Mais qu'cha s'rot pus tot François 1er par l'ordonnance de Villers Cotterets qui a dit :
A partir d'ach't'heur, in pal' el Francien. Mettant ainsi un terme aux parlers régionaux.
( 2 photos)