bienvenue ches les chtis
par minloute le, 23/03/2008si in' a qui ont pas core été vire el' flime, faut y aller, que momint d' rigolate, Kad d'dins i jue formidablement bien, Dany Boone y a pas ch' role principal et ché cha aussi qui est touchant , et in vo pas grinmint les paysaches du nord, mais au d'là d' cha, c'qu on artient ché l' caractère ed ché gins, tout en discretion, en sentimints "nature" , et si zavez pas cor été vire l' film, l' meilleux du film l avez pas vu dins ché zextraits , j' vous arcommante la tournée à vélo d' Kad et Dany .........
à faire prescrire par el' sécurité sociale, un Monumint .....
El film ed Dany Boon, ch'est eine bonne comédie et achteure ch'est rare, i fot n'd'in proufiter. In preume , l'film moute commint in est vu pa les gins du Sud in exagérant jusqu'à l'carigature, chu qui fait rire. Et Dany , aveuc tindresse, i moute el bon fond des gins d'ichi.
J'busios pon qu'i arot eu tint d'gins à vir el film. D'jà pusse ed 12 000 000 d'entrées ! Porquo ? Ebin , j'pinse qu'in France in pourméne à tort un tas d'clichés comme el sudisse fainéant toudis juant aux boules au solel, el Berton tétu toudis accrui pa l'puéve , l'frod alsacien etc. Bref , in peut busier qué l'film i fait rire d'abord pasqué Dany Boon i'a eine imache ed bon humorisse et d'bon gars pis ausssi pasqu'é l'film i brise chés clichés .
In dézième dégré, ch'est comme eine arvanche d'un provincial sus l'monopole culturel ed Paris. Bon, l'parlache i'est sovint approximatif , pt'êt' pou s'faire comprinte l'pus possipe des gins des aut' régions . Si quéquin veut apprinte not' parlache , i ecsiste ed bons lives comme chés Assimil, ceusses ed Guy Dubois épi d'z'aut'
j'partache pleinemint l'avis ed tertous et j'l'avos exprimé dins un aute sujet, ch'est un excellent film, drôle, tendre, touchant, très naturel et qui met note région in valeur, y a rien à r'dire, ch'est dev'nu un phénomène ed société ..
J'voulos juste arvénir su c'que Tiot Rital i dijot sur le ch'ti parlé dins l'film, ouais in effet i fallot que cha seuche compréhinsipe par tertous, donc Dany i avot dins s'n'équipe ed techniciens un "testeur" non ch'ti, si i comprenot ch'étot bon tertous i pouvotent comprinte.
El seul passache in "vrai ch'ti" et là des non ch'tis m'ont dit qui z'avotent rin compris, ch'est el pépé client d'La Poste, mais j'cros que ch'étot voulu aussi pour faire vire c'que ch'étot le vrai parlache ch'ti
Et Kad Merad, mi j'vous avoue que comme acteur je l'connaichos pas gramint, mais in veyant bienvenue chez les chtis bin j'ai découvert un sacré comédien et ch'est vrai que l'tournée des facteurs ch'est un vrai morciau d'anthologie
mi j'cros qu'in s'in rappel'ra comme d'un grand momint et l'gentillesse ed Dany Boon al transparait dins ch'film, bref in peut être fiers d'être chtis !!!