l' méthote pour faire canter ch' canari
par minloute le, 25/03/2008j'vous l a dit, grand mère al' fait siffler ch' canari d'puis eune paire ed jours , et mi i canto pas, alors as' moquo d' mi, ché vrai que mi j y monte pas mes gougouttes pour qui cante..... enfin j a arlevé ch' défi ch' matin, nan,' j' me suis pas mi tors' nu d'vant l' cache, mais j avo décidé d' juer un tour à grand mère, ale éto parti in haut s' laver, cha prend bin eune demie heure, bin ouais faut faire l' tour, wassinguer tous ché recoins et soul'ver tous ché plis ....que j a eu l' temps d' trouver sur internet "cant d' oziau" et la j a fait intinte cha à citron ch' canari , rin de rin, im' raviso avec s' n air bete, savez un peu comme quand j' dis quéquosse à grand mère et qu ale reste bouque bée, tel' mint ché interessant c'que j'dis.........
et là l' porte in haut as' souve et grand mère ale dit "mais i cante ?" mi j allo pas dire bin nan ché mi qui a mis eune musique, j a dit "bin ouais quo qu' té cro , i siffe aussi avec mi".......
al' déchint là j' freume l' farniete d' l ordinateur du qui y avo ché cants d' canaris, et là ch' canari sans que j y disse rin i comminche à canter .....
là j a fait min imblayeux, t as vu y a pas qu' ti qui sait l' faire canter ...