insinuations malsaines concernant bienvenue chez les chtis

savez l' succès, cha fait des jaloux, faut dire que ch' flime, nan ché pu un flime ché un phénomène ed société, pasque djà plus de 12 miyons d' intrées , alors va y avoir après l' cd , pi les rediffusions al' télé , in est tranquile pour eune paire d années
j' dirais jamais assez merci Dany

i comminche a y avoir eune polémique à propos de 600 000 euros du conseil régional , in in arpal'ra plus tard

mais c' qui m' dégoute, à m' faire dégueuler , escusez me pour ch'terme mais ché vraimint c' que j' arssents, on comminche à vire d' zartiques parlant de Dany Boon et de Kad comme des "français algériens" , cha pue , y a jamais d' finquée sans fu ..............
j' diro simplement , que ché putot eune lechon, et que ché gins et toute la région , ont été mis in valeur par quéqu un qui s'ro pas "pure souche" car cha j' la lu aussi, ché plutot un honneur, cha prouffe qu in a toudis "accueilli" par note situation géographique pas mal d' gins...rin qu à vire toutes les invasions qu in a subi au fil des sièques .... qu in a fait v'nir des gins d' autes pays pour v'nir travailler par chi, et que cha so un "fils d' étranger" qui fache l' plus bel hommache à not' région, ché cor plus fort

la messe est dite

2 Thêmes dins l'tecste ed Minloute :
1)subvintion de 600 000 Euros
2)l'origine ed Dany Boon et d'Kad

1) Pou l'subvintion ed 600 000 Euros ej sus d'ceusses qui ont été cont' . Point aujourd'hui mais sitôt qu'in l'a appris, ch'est à dire avant l'avant preumière du film ( donc el film n'étot point dallé dins les salles). Porquo ?
a) Pasqué dins l'contexte actuel ed temps dur , in n'a pon à dépinser des doupes publiques pou eine interprise privée d'autant qué l'subvention alle a servi à affréter un TGV pou amener d'Paris l'élite du monne du cinéma pou l'grante preume séance, les régaler, l'z'héberger pis à sortir 2 documintaires su l'région pusse un tiot lecsique. But archerché pa l'Consel Régional Nord Picardie : faire el promotion dé l'région aveuc chés invités comme si i pouvote eusses tout seuts à canger l'imache dé l'région ! Aut' cosse , quaind ej connos el mau qu'a eu Alain Dawson pour faire sin lecsique "Assimil" et qu'in l'a même point consulté pou sortir el lexique du Consel , in peut dire qu'i a des cops d'pieds au c... qui pierdent !
b) Ch'Consel Nord-P.d.Calais i'a su déhutter 600 000 Euros pou un film privé mais i'est point capabe ed dév'lopper el culture d'not' parlache comme l'fait si bin el Consel ed Picardie qui a créé un départémint "Langue et Culture Picarde"
J'précise qué Pathé n'a point d'mandé les 600 000 Euros mais a d'mandé eine subvintion avant l'tournache du film et pou cha a archu 300 000 euros.

c)In est des chintaines d'conteus , diseus , canteus, comédiens, écriveus et nous aussi in voudrot bin qué l'Consel i nous donne 600 000 euros pou sortir des lives, canchons, révues, espectaques! Pasqué nous, cha fait des dizaines d'années qu'in s'occupe, aveuc amour et quasimint bénévol'mint, d'not' patrimoine linguistique ! . Alors de grace, né m'parlez point dé l'bétise du Consel à brissauder 600 000 Euros d'NOS DOUPES. In pusse, fot dire qué l'subvention alle a servi à rin ! Si l'film i'a eu du succès ch'est point à causse dé l'subvintion , non ch'est pasqué avant toute, ch'est eine bonne comédie et qué l'bouque à orelle i'a fait s'publicité . Dézième rason : ch'est pasqué Dany et Kad ont eine bonne image d'humorisses et qu'pa les timps qui keurrent, rire au ciné cha d'vient rare !

2) Origine ed Kad et d'Dany
Mi aussi, j'sus comme eusses, j'sus fieu d'émigré. Edon i'a un momint dus qu'in s'fond din l'manière ed vive dé l'région ou pays d'acceul à tel point qu'des cops in sait mieux les définte qu'les gins du coin. Alors mi, j'dis bravo à chés 2 comédiens et j'leu souhaite eine bonne carrière !

In conclusion , j'busie qu'i fodrot proufiter du succès du film pou bin riveller les gins du Nord et du Pas de Calais : Ouais not' région alle est belle, ouais not' parlache i mérite qu'in l'dév'loppe et pou cha i fodrot qu'in puche accéder aux radios et télé régionales ! Ch'est prévu pa la loi mais ch'est appliqué au compte goutte foque à l'radio ! In pusse i fodrot
qu'les gazettes, les offices culturels ouvent leus colonnes et huches.
Mes gins , in compte su vous pou nous assister! Merci d'avance

Ne nous faisons pas des noeuds dans la tête. Concernant la subvention pour le film, je pense que Dany a rendu la monnaie en nous faisant de la Pub. Concernant les origines de l'un et l'autre, celà n'a aucune importance et l'on s'en fiche. Je soulignerai même que Kad et Dany parle mieux le chti que Line. Ils sont plus nature.

Ni Pathé, ni Dany Boon n'ont demandé la subvention de 600 000 euros qui ,je répète , n'a servi à rien sinon de régaler quelques centaines de personnalités du cinéma. Dany Boon , lui même a été gêné par l'initiative du conseil Général. La subvention n'a pas permis d'avoir plus de 15 millions d'entrée.
Ce succès est à la qualité propre du film qui est une plaisante comédie jouant sur un ressort classique d'opposition de genres , ici le Nord et le sud. Le bouche à oreille a joué à plein comme ce fut le cas précédemment avec "Les visiteurs".
Je constate, une fois de plus , qu'en culture, donner à ceux qui n'en n'ont pas besoin, ne gêne personne.
Pendant ce temps, les comédiens, écrivains, conteurs, chanteurs, le plus souvent purs amateurs, véhiculant avec la langue régionale, continueront à galérer, à puiser dans leurs propres deniers pour maintenir le patrimoine linguistique. Il y a de quoi être écoeuré et de tout laisser tomber.