m' bel' mère

commint qu on pourro l' décrire ? un Monumint, avec un grand M, et l' pire ou plutot du qu' cha réseume bin tout , ché au volant ...

ale a v'nu hier al' mason, y a 90 kms inter nous 2 masons

ché bien

j' dis cha pour ché jones ou futurs mariés , fiu, acoute minloute, plus que te mettra d' kilometes inter t' mason et l'sienne, miu qu' té vivra avec t' garnoule ......

ché ti pas vrai mes gins ?

donc ale avo 90 kms à faire, ch' qui est cor miu, ché qu' pour elle , 90 kms ché comme chi ti té f'jo paris marsele

quand qu ale arriffe i li faut sin verre d io pour qu ale al' prenne ses zesprits, enfin si in peut dire comme cha, mais ché pour cha aussi qu' j' mets bin chinq mineutes avant d' trouver l' boutele, ché toudis chinq mineutes ed gagné avant que ch' moulin à paroles i s' mette in route

dins s' carette ale a pas d autoradio, cha l' pertupe qu ale dit, ché surtout qu' an' na pas b'soin, mi j a fais 2 exploits d' im' vie, d' zexploits comme si j éto ch' coéquipier d' sébastien leupe, savez ch' champion du monte ed rallye in carette
j' précisse in carette, car j' sais qui n' a qui doiffent juer au rallye et ché avec des cartes

2 coups dinm' vie que j' m a cru imbarqué vers l' enfer tout in étant sul' route, persuadé qu ala fin j' finiro inter 4 planches
l' premier coup chéto avec marie claire, in s a artrouvé sur deux roles dins zin virache, j a du rintré min bras, sinan j' rammasso ché bouteles ed ketchup et picallily del baraque à frites qui y avo sul' parcours pour aller as' mason
in arrivant j a du canger d' maronne

pi y a m' belle mère...........

quand que j' diso qu ale avo pas b'soin d' autoradio, j' m explique
ale print s' carette comme si ale preno eune autotamponante, zavez connu cha, bin elle ché parel que ché jones qui montent d' dins mais qui ont peur et qui font tout pour éviter un choc

elle ché l' meme chosse

té dans les landes, au stop

grante route d' chaque coté que té vo au moins à chint chent met' d' chaque coté, bin si ale vo eune carette tout au bout , ale attind, ti t ale timps ed faire quat' griles complètes ed sudoquou, el' carette al' passe et ale dit " te presse pas ti " , bon ale démarre , ale oublie ch' frein à main, bon cha y est in démarre, vindiousse qu ale dit l' carette ale broutte , faudro que j ' l inmene au garache
nan mamy que ji dis, faut simplemint pas démarrer in trosième ... in arriffe dinch' villache, ale laisse passer tout l' monte tout in gueulant, meme si ché elle qui a l' priorité , zimaginez ché bouchons mes gins, pi comme j' a dis al' parle , mais in plus ale fait des bruits avec s'bouque du genre, "sssscccchhh, ffouuu , hummmmmm"
souvint ché ch' passager qui fait cha quand qui a pas l habitute ed rouler avec quéqu un , mais quand ti qui est passager teut' rend compte que ché ch' conducteur qui fait cha, bin té rassuré ,ché l' moins qu in puisse dire .......

li d' mindez pas d' faire un créneau, là ché l' tome 1 des misérapes qu' zavez l' temps d' lire, enfin si zetes pas imbété par ch' bruit du moteur qui li est à fond et l' criss'mint des peneux sul' bante du trottoir, cor heureux quand al' s y jettte pas such' trottoir avec s' carette t a l impréssion d' butter cont' eune falaisse , té tout armué d' un coup, et là ché ti qui cro et' dans eune tototamponeusse .........

là ale devo v'nir hier au matin, ale éto in r'tard, m' femme ale avo djà mi s' bouée d' sauv'tache, prete à bondir dinch' batiau des sauveteurs in mer, savez ceux qui braffent tous les éléments pour récupérer ché gins perdus in mer

bin cha li arriffe aussi d' ete perdue mais pas in mer, mais sul' route, à accroire qu ale a pas du d' aller à l école grinmint ou qu ale s'ro disque à l'elastique, un truc comme cha , d autes i dissent disselequesique, enfin cha arsonne à cha pasque té li dit in arpartant l' premier coup del mason , vous tournez à droite pi à gauche, ouais , pasque mi m' belle mère , jeul' vouvoie quand meme, chél' minimum, donc j y dis , vous zoubliez pas vous tourner à droite pi à gauche, nan nan qu ale dit que t a pas l' temps d' finir et' phrasse, ale fait sin d'mi tour, pi mi et m' femme in l' vo arriver au bout del rue, j' dis am' femme pour rigoler , té va vire ale va tourner à gauche, nan qu am' dit m' femme, t esxagère quand meme, bin ale a tourné à gauche, plié in deux que j éto ...
j in arviens am' journée d hier, pas d' mamy , pourtant ale éto parti à 10 h des ' mason, faut eune heure , allez une heure et d' mi pour ché plus lents pour arriver ichi, bin ale a arrivé qui éto midi moins disse ..........
donc ale arriffe ale a fait l exploit d arriver jusqu ichi, souv'nez vous que mi j a attindu au moins chinq mineutes pour li donner à boire pasqu aprés ch' moulin à paroles i s' met in route ... bon j y donne in verre a argret quand meme , et là ché comme ché crincrins savez dinch' temps que zy mettez eune pieche , et cha démarre d abord tout douch'mint pi aprés ché à toute vitesse
bin elle ché parel...