belle manman et ch' barbecue

ché l' derniere que j' raconte sinan i n a qui vont accroire que j' l a pas ker
si, si elle as' mason et mi al' mienne

aujourd hui in va parler du barbecue , grind momint l' barbecue , et là in pourro parler des barbecues , nous dinch' nord si in fait du barbecue ché avec du carbon d' bo, dinch ' sute té vo qui vont souvint au gasse et par chi cor miu al' plancha, ché eune plaque du qu' té cuit ché zaliments en quequ'minutes au pire, et sans gras, et l avantache ché qu'té a tape avec tes invités et pas toudis in train d' surveiller l'cuisson comme avec un barbecue à carbon d'bo
mi j avo un barbecue à carbon d' bo in vagances et grand mère ale avo invité s' mère , faut dire qu ale habito juste à coté

l' barbecue avec mamy, mi j' le vivo pas à tape, pasque mi j éto al' cuisson , in faijo des tablées d' 10 personnes et faire cuire saucisses , nerguezes, cotes ed' porc, cha va plus vite à dire qu a faire surtout pour 10 personnes
donc mi j éto près du barbecue et j' veyo pas belle manman, assisse sous l arpe sul' grante tape in bo

alors ché recta, ale arrifffe ale crie , bon y est pas servi l apéro ? ti te bouche pas té rivé à faire ch'fu
mais ale est servie quand meme rapid'mint par s' file, par conte savez , ch' barbecue faut du temps , et belle manman ale arriffe y est 11h et d' mie, donc l' temps que ché premiers plats y zariffent, bin an' n a bu tro d' apéritifs, alors là connaissez asteure radio mamy, là ché pu del radio ché commint qu in appelle cha , ché jones ed'dins des patures qui s armuent d'vant de z'énormes gros parleurs ? des reffes parties, ouais ché cha, bin chi cha tourne au cauch' mar, in plus ale rit que ché vigins i crottent que ché l alerte au fu ..............
ti t amene ch' premier plat t a dro à " ah bin y est temps j allo boire un deuxieme apéro" min fils " nan mamy l' quatrieme" mamy " ah acoute j' sais compter j in n ai bu qu un ou alors deux mais grand maximum" ti t arpart faire l' suite, avec l' reffe partie à fond, t intinds "bin alors ché pas cor cuit ?" ti te reste ed marbe té sais commint cha va s' terminer ............
j 'ramene ch' deuxieme plat, j allo m assire quand que m' femme ale dit as' copine qui éto in vagances al' mason, "t as vu tout cha , bin cor heureux qu in n a pas mis les gambasses" "quo" " des gambasses ? " "ah ouais j in ming'ro bin " qu ale dit mamy, mi j allo m assire in j' tant un r'gard noir à grand mère, mais ale avo mis sin décol'té , savez les gorches du verdon, pi ale a fait un r'gard du genre " fais zin un tchiot peu pour qu in ait la paix" ouais sinan ale alo nous parler des gambasses jusqu a' d'main, bon j' comminche ché gambasses au barbecue, zavez djà fait des gambasses au barbecue, bin vindiousse cha finque...et comme un sine du destin , ch' vint y tourne et paf juste in direction del tape j intinds deux s' contes aprés " hé minloute, arréte te nous infinque" " j y si pour rin mamy ché l' vint" que j' dis d un air désolé.......
et j' ramene ché gambasses sul' tape, et là mamy ale dit "cha sint fort" ouais que j' dis "cha sint l' p'tite file négligée" bah , ale dis rin, j' m a dit ché bon, cha comminche à faire effet , oh cha a pas duré longtimps, à peine qu an' n a mingé eune , qu ale dit as' file, "oh j va aller m allonger j' su nin bien" mi bin sur " zin voulez pas cor eune d' gambasse mamy" tout in lui tendant ch' plat, là ale ravisse ch' plat comme si ale voyo ch' diape "ah nan , cha m écoeure" "ouais mais ché vous qui in voulote mamy, j' croyo vous faire plaiji".....zavez vu que j a toudis l' coeur sum' main ........
alors j' vous dit la suite in quéqu' mots, ché un rituel toudis l' meme chosse, là mi j' comminche à minger tranquil'mint, grand mère ale va vire si s' mère ale est couquée, nan , ale est in train d arpeinte ché ouatères comme à chaque coup, qu' min fils i yavo été vire un coup qui éto arvénu plié in deux, "cha va mamy ?" que j y dis "ouais qu im' dit , al' est in train d armette eune deuxieme couche..." ti te rigole pas , à grand mère ché s' mère, oh y a bin un tchiot rictusse au coin del bouque, j' peux point l empecher cha, cha s'ro au d'sus d' mes forches

et là ti t apprécie ch' calme, et ché zinvités aussi, et meme grand mère faut l' dire aussi, bon ché pas pour cha qu ale armet pas au moins deux coups dins l aprés midi s' tenue d infirmière pour aller voir s' mère, mais nous pindant ch' temps là in a parti à la mer sans elle, dommache vraimint dommache

in rinte del plache qui est 18h 30, grand mère ale a préparé ché pates et là in a dro a eune apparition, belle manman qui vient nous vire, in nous dijant " cha va miu" comme si in s inquiéto, "j a du printe un coup d' chaleur" , ouais belle manman, " ptete aussi ché médicamints que j a pris avant" , ouais belle manman, et là quand té vo qu ale va s assire à tape pour "minger un tchiot bout " teut' dit minloute faut trouver un moyen sinan ale va nous raconter ché dégobillaches dins les ouatères pindant qu' nous in va minger , alors là j a sorti l' arme fatale, j a ram'né ch' plat du midi qui éto au frigo, i resto des cot' ed porc pi des saucisses, et là t oublie pas d' ram'ner l' assiette à gambasses ........... froute froute, beurk qu ale dit , ale minche sin bout d' pain in quatrieme vitesse et ale artourne as' mason
que salaud minloute , bin ouais hein