les plaques minéralogiques
par minloute le, 03/05/2008j a vu un arportache du que ch' consel général du pas d' calais i zétotent in train d' busier sur un autocollant ou quéquosse comme cha, in tout cas i veultent pas qu in supprime ech' 62 su ché plaques
combat d' arriere garte ? conservatisme ? corporatisme ? ptete, mais pour mi aussi cha fait partie d' l identité d' la france et in peut dire aussi que supprimer les départemints, ché d' l uniformisation et l uniformisation, la mondialisation, l' fait d' tout niv'ler, ché pas bon
am' mote que ché des viu crignus dins ché bureaux parisiens qui ont pondu cha, i zont pas d infants ou alors i sont in ache d avoir aussi des zinfants à leu tour
mais i zont oublié que ché plaques cha sert sur ché routes pour occuper ché zinfants, essayer d' leu apprinte ché départemints , ché d' moins en moins facile, avint ché vrai in apprenno numéro , préfecture, sous prefecture, sans arvenir ach' temps là cha permet d' faire ed l instruction in carette et surtout ed les zoccuper si vos voulez pas intinte "quand qu on arriffe ?"
quand que j éto jone, et qu in voyo un 62 sul' route au fin fond d' la france in s' klaxonno , pi j' me souviens un coup qu in éto tombé in panne dans la drome, i dracho mes gins, i dracho, bin chéto un 62 qui nous avo dépanné, solidarité
j' comprinds que ché parisiens i veultent pu qui a d' numéro su ché carettes , i n' ont marre d intinte "parisien crotte ed tchien"....
mi j' su pour garder ché numéros et j' va vous dire pourquo , mais l' répétez à pas personne, ché inter nous
hier in rintrant d' marcher j a fait un détour in espane pour acater des cigarettes, et là un monte, un monte .....des tourisses in pagaille, tout partout, meme que j a du m' garer in dehors du parkingue des ventas (si voulez passez pour un neuneule vous dites "ventas" comme ché écrit, mais cha s' dit "bentas" ) ché des magasins du qu' t as souvint d' l alimentation au rez d' chaussée, un restaurant , un magasin à fouffes et d'bib'lots à l étache, pi y a ché cigarettes)
alors hier chéto un ballet d' caddies qui faijottent gling gling (rimplis d' bouteles d' wisky, d'ricard etc ) sans oublier ché cartouches ed cigarettes à foison, tout cha bien au d' sus de c' qu in peut printe
j' m a fait l' addition suivante bio temps + touristes : gendarmes et douanes sul' route in rintrant
j y a pas coupé , d 'l espane al' mason 4 controles d' gendarmes, 2 d' douanes volantes, et comme d habitute , j'su passé au travers, nan pas que j a quéquosse am' reprocher, mais i zarettent te pas les plaques minéralogiques du départemint, i saffent qu in peut y aller régulièr'mint, nan , chéto tous les zautes qui étotent arrétés , pas un qui porto eune plaque 64
derniere chosse , l' plaque "minéralogique" cha vient que ceux qui ont été chargé d' s occuper d' cha du temps du président emile loubet , chéto des ingénieurs des mines