Histoire d'el fosse, Ch Bruchet .
par JF Majcher le, 19/05/2008HISTOIRE D'EL FOSSE
Poème de Charles Bruchet, Noeux les Mines (1925-1989)
Extrait du recueil de poésies publié en novembre 1977 à Noeux les Mines
Je n 'ai pas l'génie d'un poète
Jé n'sus qu'un pauvr ' carrieu d'brouette
Dins l'cour d'el fosse
Pourtant dans mes momints perdus
J’cros qu'mis comme in aut' j 'arros pu
Ecrire quêqu'chose.
D'ailleurs ech'min va vous canter
C'que min cerveau y a mijoté
Dins m'tiaut' caboche
Sur un air que tout 1'mon' connot
Qui n'est pas cantê par Tino
Histoire de fosse
Ecoutez donc les trois couplets
Les trois couplets qu'j'ai baptisés
Histoire d'el fosse
Quand in pinsse y a 50 ans
In travaillot 12 heures durant
Four faire un poste
Ach' momint là pour dévaler
In s'intiquot dins des paniers
Ah ! triste époque
Les ouvriers y êtotent usés
In les veillot tous armonter
Comme des défroques
Peu â peu les temps y ont cangés
Loi d'quarant'heures, congés payés
La vie en rose
L'lind'min d'quinsinne quand in est mate
Et qu'el bourse all n’est pas trop plate
Avec ches mioches
In va faire un tour au marché
Les r'habiller d'ia tête aux pieds
In bleu in rose
Si l'lind'main ch'maitr' veut rouspéter
In répond hier j'ai pas pu v'nir
J'ai l' silicose
Dins 20 ans cha ira cor' mieux
Sans travailler in s'ra heureux
Dins nos vieilles fosses
In appuiera sur des boutons
Et les molettes y tourneront
Sur tous ches fosses
L'ingénieur et pis ch'maitr'porion
Tout in restant à leur maison
Dirig'ront l'fosse
Nous autr' in quitt'ra ses corons
in important sin polochon
Pour v'nir â l'fosse
Si m'canchonnette all vous a plu
Applaudissez me tant et plus
Cha m'fra quequ'chose
Ech m'in va passer dins les rangs
Préparez tertous vos lourds francs
J'ai des grandes poches
Sur des airs que j'ai arringés
J'vous ar'cantrez d'autres couplets
N'parlant plus d'fosse
Vos p'tits infants diront plus tard
Ches canchons là ch'est d'Bruchet Charles
Qu'y allot all fosse.
Mais les sirènes se sont tues
Des chevalets sont abattus
Y a plus grand chose
Ce qu'in pouvot imaginer
Ne s'ra jamais réalisé
In ferme les fosses
Ste Barbe elle même est licenciée
L'mineur ne peut même plus prier
Sa sainte patronne
L'herbe qui pousse sur les terrils
Ch'est comme un linceul qu'in a mis
Sur tout'es ches fosses
Charles BRUCHET