des nouvelles d' minloute
par minloute le, 12/06/2008l' standart i a cor explosationné hier que ché gins i d'mindotent commint que minloute i s in éto sorti, d'autes plus pessimisses qui d' mindotent du qui pouvottent aller s ' arcueillir sul' tompe et d' savoir du qu ale éto plachée dins ch' cimétiere et quel cimétière ....bref cha a pas arrété
que ch' matin j a eu un coup d' fil d' marie claire qu ale m a dit, acoute donne ed' tes nouvelles, frette i a été à sin masquimome toute l' nuit à pédaler tel' mint i yavo du monte qui voulotent avoir d' tes nouvelles
là ch' frette i vient d' déchinte du vélo dynamo qui donne ch' courant pour faire fonctionner ch' site, i est tout fraique, mais comme i dit , " j su fraique et in plus j' su sec" ouais, quand qui dit qui est sec , cha veut dire qui veut faire accroire à marie claire qui est qu in musque ....faudro quand meme pas exagérer ....j' sais bin qui est sec comme un monio mais quand meme ........
bon j ' arviens à min sujet, marie claire am' dit ch' matin " raconte tout sinan in a pas fini d' avoir d' zappels "
j' va tout met' ichi sur ch' sujet chi, j' rajout'rai des sujets fils à chaque coup
par minloute le, 12/06/2008premier pisote l arrivée al' clinique ...
in éto parti tot au matin vu que bin sur cha tombo mal, chéto l' jur du qu' mi j devo et' opérationné et d' l aute l' jour d' eune des nombreusses sorties qu ale fait m' file dins s' classe bilinque français occitan , donc fallo et' à deux zindro presqu in meme temps, mais l' vele minloute y a dit , acoute teum' déposse là bo tro quarts d heure avant et comme cha aprés té tranquile pour arvénir par chi et baler l' gamine ach' bus qui l immene in montane
là grand mère bouque bée, minloute grand prince, "mais té va t innuyer d y aller tot comme cha " j allo pas li dire, acoute i m' faudra bin cha pour que j arriffe calme al' clinique ,nan faut que j' garte min role ed chef des zarmées al 'mazon, nan j a dis " faut printe un tchiot plus d' marche ed maneuffe, sinan l' tchiotte ale va cor nous faire un caca nerveux à s inquiéter d' es' dire qu ale allo pas arriver à l heure pour sin bus" ouais ale est comme sin père, bileusse, ché a dire qu in a pas ker d arriver in r'tard
donc in arriffe à l' intrée d' la ville du que j allo m' faire opérationner et là ......(un peu de suspinsse, suite au prochain numéro sul' meme sujet taleure )