dinch' gardin
par minloute le, 08/07/2008ichi fait bio,ché moustiques i sont d' sortie, cha arrivo aussi à bruay, faut pas accroire ....
in avo l' dro d' verser l io récupérée dins d' grantes lessiveusses , su ché plantes avec ch' l arrosoir
nan chéto pas un arrosoir en plastique, nan chéto un vrai arrosoir in fer, djà qu à vite i parraisso aussi lourd que ch' l arrosoir en plastique plein ...
cha va ti yarriffe ? qui diso min père
mi, ché deux mains such' l arrosoir, ché gampes qui allottent presque ed travers, mate ed ché mate, mais surtout pas l dire, sinan in avo pu dro à arroser ....
ché magique cha d' verser d' l io, pi arvénir près dech père qui avo s' castrole al' main et qu il le plongeo dins l' bassine que cha faijo glouglou, pi i verso cha dins ché zarrrosoirs, bin seur i n avo eune partie qui coulo su ché cotés , et bin sur cha arrivo aussi su nos pieds ...et in s' faijo ingueuler par l' mère à la vue des cauchettes toutes fraiques et avec del terre ed sus pour arringer l' tout ..... mais in dijo rin, savez in sait commint cha réagit ché femmes