orthophoniste égyptoloque
par minloute le, 12/07/2008j' sais bin qui faut n évoluer avec son temps, mais j' sais pas si cha vous l' fait aussi, so in ravisant les d'voirs d' vos zinfants ou d' vos p'tits zinfants pour ché plus viux, mais mes gins l' nompe ed fautes d' français par pache , ché IMPRESSIONNANT
ah zallez dire, mais d' quo qui s' mèle chtilale, i va nous faire un cours such' français alors qui écrit in patois
d' abord j' voudro vous met' à l aise, si in'n a parmi vous qui ont ch' "défaut" là
cha peut arriver d' pas avoir été fort in français, mais là j' diro qu in éto montré presque du do
et in nous diso si te sait pas bin écrire té f'ra rin d' bin dans t' vie, bin achteure i zécriffent comme des noules meme en terminale voir au d' sus dins ché classes supérieures ....
tandis qu achteure, ché d'venu presque normal, cor eune génération et in va d' voir so simplifier l' français pour que qui suiffe l évolution qui est in train d' printe, ou alors et' d' plus in plus indulgent sinan y aura pu grinmint d' gins qui auront leur bac
mi j' vo j a aidé quéqu un pour un bts en alternance, mais mon dieu que malheur , ch' bts ché aprés ch'bac et quand qu' té arlit c'qui t invo par mail , faut et' orthophonisse egyptoloque, ouais faut presque lire à voix haute pour artrouver l' sens du mot et s' n orthographe , et egyptologue pasque ché un travail d' traduction pas si facile equ' cha
à l heure où en France, in comminche à donner plus ed plache aux langues et aux patois qu in a pindant eune sacrée paire ed décennies interdit d' parler ou d écrire, ou tout simpl'mint d' considérer
j a l impression que l'français tel qu in l a connu à l école d' not' temps , pourtant mi j a que 47 ans , encore pour quequ' jours mais cor 47 ans , j a l impression qui est mis à mal
d un coté par ché éleffes tous les jours, ptete pas par tous ché éléffes mais par un bon paquet , et ché pas eux qui don'ront à leu zinfants l' gout d' l orthographe, teum' dira ptete que j' m enerffe pour rin et qu' dans eune paire d années, in écrira pu grand cosse, vu qu in aura in portape d' dins l orele, et un fasque ed dins l' derriere, et in nous dira oh ché pas important d' mette et ou é d' toute façon au téléphone cha cange rien
et pi y a nos amis anglo saxons, et quand que j' vo l' canchon qui a été choisi pour arprésenter la france à l eurovision et aussi l' nompe ed canchons en français qui sont présentées ach' fameux concours , in a d' bonnes raisons d' s inquieter
l' patois ouais mais avec un français fort