le site va mieux
par minloute le, 12/07/2008ché drole d' puis que j a arpris les chosses en main, in arçoit sul' site des miyers d' mails par jur , in disant toudis la meme cosse, merci pour tout Monsieur Minloute, ouais j arçois des "Monsieur" et des "Minloute" alors djà Monsieur Minloute ché beaucoup mais alors Minloute avec eune majuscule que mi j in mets jamais pasqu in est comme tout l' monte in a du brin à sin c..
mais j su obligé d aller dans l' sens des mails archus
quo qui dissent ché mails ?
j' vous dis cha ché inter nous, Marie Claire pour l instant ale peut pas nous lire vu qu ale est in colombie avec frette
comme l année derniere, j in print in au hasard d' mail , vla j' vous l' liffe , j ouffe ché guillements : "Monsieur Minloute , depuis qu' zavez arpris ché rennes du site, j' trouffe que ch' site i va mieux, que ché plus vivant , que ché beaucoup miu que quand que ché marie claire qu ale sin occupe, qui a plus d' sujets ...etc"
meme des d'mantes en mariache que j a eu ; dont eune d eune certaine Annie du 62 mi j' me posse des questions quand meme ...
mais j' do vous dire , que j' su pas parfait, que comme dijo min père , "j' su pas parfait, j' su pusque que parfait" .... que ché tout simpe et que l' mérite y m arvient qu' à l' ensempe ed toutes les qualités inimaginapes que j' peux avoir, mais ché aussi commint vous dire, comme entre un coureur cyclisse professionnel et quéqu un qui fait du vélo......
ché dans les gènes
vous m' dites souvent "ouais marie claire, as' dépéche pas, in met des sujets ché pas toudis mis dans les 10 mineutes aprés que j a invoyé l' sujet, donnez me l adresse du service ed réclamations"
i a bin un service ed réclamations , mais commint vous dire, cha sert à rien, cha sert à rien , pasque vous m' dites ouais ale met du temps pour met' un sujet en line, j' su d accord avec vous, mais j' vous diro ché pas del 'fainéantisse, CHE QU ALE PEUT PAS ALLER PLUS VITE, zavez compris ?
mi un sujet ché fait en quequ' segondes, comme cha vient, mais commint comparer avec marie claire ?
cha y est j a trouvé, j' m adresse à ché zommes qui leur arriffent d' viffe parfois d' zexpériences plusque désagréapes, oh ché vrai que cha arriffe pas souvint et cor heureux ... ché le coup que " in peut pas faire autremint , in est passager dins l' carette et ché madame qu ale conduit"
zavez compris ché zommes ? djà l' main accrochée al' poignée, et pas eune feule à cigarettes qu in pourro met'inter ché fesses tel' mint qu in est tout coinché
alors ravisez l' temps pour démarrer : rintrer dins l' carette , met' ch sieche al' bonne distance , ché a dire à 10 cm du tableau d' bord, raviser si ch' rétroviseur i est bin mis, nan pas pour raviser ché carettes derriere, cha sert à rin, nan pour faire d' zessais avec s' bouque et ch' rouche à leffes, ou faire clignier ché zius pour ch' ricil ..........
aprés faut qu ale vous d'mintent si ché pédales ed frein et d' embrayache sont al' meme plache su vo carette que sul' sienne ...
aprés faut trouver l' clé, attention d' pas laisser l' carette in prisse , sinan té fait un sacré bon in avant, at' claquer des loupes ed sul' vite del carette
après faut trouver l' marche arriere, cha y est ale est trouvée, bon te l entends quand meme ch' l embrayache, té cro qui arjue l' flime "danse avec ché loups"
aprés faut qu ale accroche pas s' carette derriere in faijant arculer l' carette
nous ché zommes, in rinte dins l' carette, in met l' clef, in démarre , et in s in va
zavez vu la différence ...bin pour traiter ché sujets sul' site ché parel
alors arretez d' dire min sujet y est pas cor traite SI SI MES GINS I EST TRAITE MAIS I FAUT EUNE DEMIE JOURNEE A MARIE CLAIRE POUR MET UN SUJET EN LINE avec toute l' volonté qu ale peut avoir et l' envie d' bien faire
ché cha l' vérité vraie alors soyez patients pour ché sujets déposés, à chaque coup vous l' vesquez pasqu ale peut pas aller plus vite