sul' plache ed la gare
par minloute le, 11/08/2008eune fo arrivé , direction ch' l arret d' bus in face d' la gare
a chaque coup que j' passe d'vant l' plache d' la gare, j'peux pon m' deminder qui ché qui a eu l' géniale idée d' l' arring'mint de ch' t indro
à premiere vue zallez dire, bin ché bio, un grand espace comme cha d'vant la gare, l' estatue bin qu in so pour ou conte ale est là, ché jets d io ché joli
bin ouais ché joli, mais j' me dis , chti qui a fait ch' plan, y éto pas tout seu, y a du i avoir au moins un cabinet d' architeque, pi pas mal ed réunions d' synergie avec l' mairie
ah commint qu on pourro réseumer eune réunion d' synergie, bin vous dites qu in s a ravisé l' boudinette durant eune paire d heures que chacun al' sortie y est contint, i sait pas d'quoi, mais y est contint, qu i sait pu vraimint d' quo qu in a parlé ou in tout cas des décisions qu alent zont été prisses ,mais i est contint quand meme, pasque instinctiv'mint is' dit "cha avinche" ...
comme diro dany boone, "qui ché ch' babache qui a mis ché bancs si près des jets d io ?"
pasque savez , in tout cas j' l apprinds à ceux qui l' saffent pas, dinch' nord pas d' calais, ché nuaches dinch' ciel i sont souvint in mouv'mint , ché qui a du "vint" ouais du vint, alors ravisez l' plache ed la gare à béthune, à l occasion bin seur, bin verrez qu ale est située juste al' jonction au moins d' 3 grantes routes et qui i a très souvint du "vint" j'mets cha ent' parentheses pour que ché gins qui ont pondu ch'te plache i zalent raviser dinch' dictionnaire "vint" ou alors plutot"vent" cha ira plus vite, bin verrez mes gins eune fo que zetes sul' plache, ch' vint, i rabat l' io qui sort des jets d io , oh pas fort , mais assez pour que ché bancs situés à eune paire ed met' i so toudis fraiques, heureus'mint, autour d' l estatue d' mitterand, ché cor sec toute l ' année ....