histoires-de-chtis® depuis le 20 février 2005

 

 

Les 60 dernières histoires


  les cendres pas que le mercredi ... (14/04/2021)
  CHA S MERITE (12/04/2021)
  au bruit du moteur (12/04/2021)
  orage oh désespoir ... (08/04/2021)
  la difficile cuisson dans le four du fourneau (08/04/2021)
  Étretat marée haute et basse (05/04/2021)
  mon lit en fer (02/04/2021)
  PAQUES Partie 2 (01/04/2021)
  dimanche des rameaux (31/03/2021)
  samedi après midi partie 3 ou le passage du Cap Horn (30/03/2021)
  PAQUES Partie 1 (29/03/2021)
  samedi après midi partie 2 (22/03/2021)
  au coin de la rue de la gare (22/03/2021)
  marché Place Marmottan (22/03/2021)
  la vieille tour (14/03/2021)
  la montée au château (14/03/2021)
  abattoirs sur cartes postales (14/03/2021)
  les rénovations de 1978 (07/03/2021)
  le bon jambon (06/03/2021)
  au matin le petit déjeuner suite (03/03/2021)
  au matin le petit déjeuner (03/03/2021)
  bataille autour du bouillon (02/03/2021)
  finquée dins l' cuisine (02/03/2021)
  le mimosa (21/02/2021)
  les lulus à Manman (14/02/2021)
  samedi après midi partie 1 (07/02/2021)
  la toile cirée (31/01/2021)
  excusez me j éto trop jone (23/01/2021)
  chapelle Sainte Barbe (17/01/2021)
  dins s' baraque ... (10/01/2021)
  avec le hachoir au coin del' tabe (10/01/2021)
  cha y est j' su viu (03/01/2021)
  eune bonne et eune heureusse (01/01/2021)
  LE PETIT CHIMISTE (22/12/2020)
  DIMINCHE IN VA AU COLISEE (11/12/2020)
  y a rien au courrier ? (06/12/2020)
  Foot féminin à Bruay (04/12/2020)
  Alle est pas morte Sainte Barbe (B.Cocq-S.Colliez) (03/12/2020)
  Bonne fête de Sainte Catherine (25/11/2020)
  Bonne fête de Sainte Cécile (22/11/2020)
  CHANTEURS ET CHANSONS D AVANT (19/11/2020)
  CANTEUX D AVANT (18/11/2020)
  HOMMAGE à mon grand père et à tous les ''Poilus'' (10/11/2019)
  commint ch'est fait eune fille suite (01/11/2020)
  El nœumint d’aiguiliette (01/11/2020)
  COMMINT CHE FAIT EUNE FILLE (31/10/2020)
  Première descente (29/10/2020)
  l'os à moelle (25/10/2020)
  ch' bouillon (25/10/2020)
  dans la rubrique coup de coeur (24/10/2020)
  du coté du Cap Horn (23/10/2020)
  LES ATTRAPES A SOURIS (20/10/2020)
  coureurs cyclistes mauvais souvenirs (17/10/2020)
  coureurs cyclistes bon souvenir (17/10/2020)
  MEMERE EUNE VIE 2ieme partie (12/10/2020)
  la montée en classe (07/10/2020)
  MEMERE EUNE VIE 1ere partie (06/10/2020)
  la boite à pharmacie partie 2 (04/10/2020)
  la boite à pharmacie partie 1 (04/10/2020)
  Tutur (02/10/2020)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mememarie ( 02/08/2020)
Bonjour, Je découvr...
 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...


Liens
Histoires de chtis sur votre site
par conte min tillette
par minloute le, 12/08/2008  

dins l'meme rue que l' hopital ste barpe, y avo djà eune "institution" qu ale avo freumée, chéto l' église sainte barbe, située juste à coté d' l hopital, par conte là cha a été racaté par l' mairie , in y r'viendra un tchiot peu plus tard

mais y a eune trosieme institution qui a disparu, pour mi aussi importante que l' églisse sainte barpe, ché ch' café d' à mon tillette


chéto nin un café d' jones ah nan, t i voyo plutot des viu avec des gabettes sul' tiete, chéto un rendez vous des supporters du clupe ed football et y avo aussi des coulonneux

sans oublier ché jueux d' billard , vu que dans l' premiere salle i trono un billard à la françaisse

deux qui juottent et autour eune paire assites au coin d eune caielle , commentant ché coups jués

j' in profite pour invoyer par dessus ch' ciel un salut amical à Léon Defernez, Defernez qui habito rue anatole france avec ché soeurs, Louisse et Léonie et qui tenottent l' mercerie , artiques d' pompes funébres, stylos et cahiers d écoliers, dins m' rue

chéto vraimint les soeurs et surtout Louisse qu ale teno l' magasin , Léonie cha li plaisait pas vraimint, et quand à Léon , habitué d' ch' café tillette, i pouvo pas

certains diront ah y avo un grain ou quequosse ed méchant de ginre là, nan , mi j' prefere dire qui vivo dans un aut' monde

ché ché soeurs, i faijo surtout l' raccomodache et l entretien des matelas , du temps qu un matelas i faijo eune vie, avec d' grands zarssorts qui au bout d un momint , s amusottent à passer à travers l' toile

ou alors , avec l ache, ché grands mères dinch' nord ale prenottent du poids, plus que ch' l homme qui souvint à coté i passo pour un meguerlo, donc du coté que grand mère ale coucho l' rembourrache du mat'las i souffro , donc i fallo arfaire ch' mat'las, chéto l' traval d' Louis

chéto eune activité qui li prenno pas l'semaine quand meme,un mat'las chéto un investis'mint, et ché pas tous les jours qu in devo in canger, meme si y avo du monte dinch' quartier, cha li laisso du temps lippe pour aller a mon café tillette

Léon i li éto connu comme ch' leu blanc, y éto pitit d' taille, sin beret vissé sus' tiete, eune grante gabardine que s' soeur Louisse ale avo du récupérer, mais qui étot un tchiot peu trop grante pasque les dos d' Léon i dépassotent à peine .....
mais Léon chéto li aussi eune institution, dés qui rintro dins ch' café, i avo des gins qui soulignottent s' n arrivée comme si chéto un évén'mint , par des cris joyeux voir meme j' l a vu des applaudis'mints

dire que ché zhabitués i s' moquottent pas d' li cha s'ro pas vrai, mais franch' mint chéto pas méchant , pasque min Léon, i v'no là et i avo pas grinmint d' sous ché l' moins qu on puisse dire , djà qui alle au bistrot, mon diu que malheur avec 2 soeurs qu ale devottent connaite tous ché salut marie, et bien d autes prieres, qui allotent à Lourtes régulièr'mint ...................

donc mon Léon i avo pas grinmint d' sous, mais ché gins i li payottent un café , un verre ed vin au pire, mais mi j' l a jamais vu pas fraique , pasque boire un coup chéto nin pour cha qui v'no à mon café tillette, chéto pour ch' billard ....

par minloute le, 12/08/2008

donc l' arrivée de Léon était saluée, li i savo pas du s' foutte , dins coté i éto contint qu on l armarque et d in aut'coté i éto timite
té l' vo rintrer, sin beret vissé sus' tiete, ses leunettes cul d'boutele qui li donot un air d' taupe quand qu ale arriffe al' leumière, l'visage pas bin rasé , i artiro s' gabardine, pas sin beret , nan i l' gardo du matin au soir

i allo serrer ché mains d' tout ceux qui connaisso, comme un coach presque in diro achteure, et ti té brincho ch' "décodeur" pasque Léon i parlo vite mais vite....et in patois bin seur

aprés i s asseyot au coin pas trop loin du billard, mais pas trop près pasqu i passo alors sin temps à commenter ché coups, nan pas comme un commentateur achteure al' télé, nan li i vivo ché coups, ché comme chi chéto li qui juo , ti teu comprenno pas l'motié qui t' dijo, chéto pas graffe, té faiso ouais deut' tiete cha li allo

pi i avo quand meme du bruit dinch' café , faut pas croire que tout l' monte i éto in train d' raviser cha religieus'mint, d abord t avo ché plus bruyant ceux qui restotent debout ach ' comptoir, pi plus té t'éloigno de ch' comptoir plus chéto calme, té trouvo meme souvint , comme un peu égaré dins ch' te type d indro, un coupe ed jeunes qui s imbrassottent ou qui s' tenottent la main, ché vrai aussi que pour eux dins ch' café là i zétotent pas imbétés par des jones ed leur ache

j' arviens à mon Léon, ch' patron i arrivo dins ch' coin, i li apporto un café, et i li désigno chti qui li avo acaté pour li, Léon i faijo un sine del 'main pour l armercier, mais vite i s' arplongeo dins ch' jeu

pasque Léon, comme in diro achteure "avec s' n air con et s' vue basse" chéto quéqu un, chéto un professeur ed billard, et y a des coups i prenno sin vélo pour aller donner des cours à paris, alors respect mes gins , respect

avec l' ache j' me d' minte si chéto vraimint vrai qui so professeur ed billard et qui allo à paris à vélo pour donner ché cours ......... mais l' important y est pas là, chéto l' "poésie" du personnache ...

achteure, y do pu y avoir d' billard, ché d'venu un restaurant, et j y souhaite sincer'mint bonne chance,

cha fait aussi un momint que Léon i do donner des cours ed billard là haut, mais cha m a fait plaiji d' vous ardonner eune ambiance que j avo connu et qui à jamais est disparue .....


  ( 1 photos)  


Contact | ©2005 histoires-de-chtis®.com - Webmaster : Gold77 - CNIL : 1075910 - 4 visiteurs connectés - Qui est connecté ? |