la ninalation
par minloute le, 13/08/2008acoutez jones gins, j' va vous raconter pourquo in éto pas malate nous y a quequ' zannées
dins zin pays vinteux, du que ch'temps i arrete te pas d' faire des mouv'mints, que ch' ciel i donne vraimint l impression qu' la terre ale tourne sur elle meme vu l' vitesse qu' ché nuaches i passent dinch' ciel, bref , i fallo s attinte à et' malate
alors in a mis in plache des médicamints efficaces : ichi ché l'rhume , l' angine ,l' bronchite, l' grippe l' plus fréquent
alors dés qu' tin nez i guilo, ou alors qui éto bouché, ou que t avo mau at' gorche in t'dijo minloute va t assir, ché l heure ed l inalation
chéto un momint commint dire presque un rituel
ti teu t asseyo al' tape et t attindo, t'mère ale avo fait cauffer de l io, mais à mort , et pi ale verso l' io dins l' coupelle pi ale prenno deux zampoules dans eune grante boite à médicamints, alors deux techniques pour ouvrer les zampoules so avec eune toute tchiote scie qui éto fourni avec l' boite, mais comme m' mère ale éto pas douée pour tout c'qui éto traval manuel, cha arrivo que l ' un des bouts i tompe sul' tape ou par terre alors là chéto branle bas d' combat , fallo l artrouver tout d' suite, chéto comme quand qui resto un tchiot bout d' coquile d euffe , fallo pas l avaler
fallo pas l avaler ni tchien aussi alors in cacho après ch' pitit morciau d' ampoule, min père i ralo ach' momint là et i arfaijo eune démonstration que li i casso ché zampoules avec s' main et que d' laute i récupéro l' morciau d' verre, CHE POURTANT PAS COMPLIQUE qui dijo am' mère in parlant fort, ouais min père y a toudis été très fort in psychologie pour faire passer ché messaches ..........
donc in part sul' base que l' découpache des zampoules i s a bien passé
t' mère ale armetto au d' sus del coupelle, l' partie supérieure du que là t allo met' t' bouque et tin nez
ale am'no cha tout douch'mint pasqui y avo des tchiotes poignées souvint su ché modeles, au miu ale l avo djà posé dans eune assiette mais ale faijo attention d' pas nin rinverser pour qu in so pas brulé
aprés ale allo querre eune serviette, que té metto sut' tiete in t auro cru au mur des lamentations à jérusalem , au début chéto caud , té metto t' bouque et tin nez mais pas longtimps, tavo les ziu qui piquottent
aprés cha allo miu, té supporto l' caleur pi y a pas que l' caleur, pasque ch' produit qui y avo dins ché zampoules cha devot et' à basse d eucaliptusse in truc comme cha , chéto fort ......
et à la fin quand chéto moins caud , alors là chéto exceptionnel, in avo l' dro ou plutot in devo meme , cracher d' dins l' coupelle tout c' qui détacho ed not' gorche, chéto bin l' seul coup qu in pouvo cracher sans s' faire ingueuler
( 3 photos)