derrière la porte
par minloute le, 13/08/2008té sais minloute, ché là qu' t ira l année prochaine
ah ouais et si j' veux pon.... bin t ira quand meme ché obligatoire ......
ché zinfants i vont à l école pour apprinte mais aussi pour s amuser avec des garchons d'leur ache té véra ché bien l école
mi,j éto plutot sceptique , d un coté ché vrai in les intindo juer à travers l' porte, mais d un aute coté aussi i zétotent prisonniers pasque l' porte ale éto freumée à clef ed l intérieur
in essayot d' s' faire eune idée in ravisant entre l' porte et ch' mur, mais in voyo pas grand cosse, rin pour nous donner eune vision globale de chqui chi passo , pasque bin seur y a des coups aussi que m' mère ale faijo expret d' passer d' vant l école quand chéto la fin des classes, mais commme ché maites i laissotent pas ché zinfants courrir vers l' grille ed sortie, cha paraisso plutot strique
pi l' pire ché qu in connaisso pas personne, ah in voyo bin ché frères et soeurs d' la famile partir à l école mais ch' tableau qui zin dressottent i éto plutot inquiétant "té verra si té va avec mr untel, bin t a intéret à apprinte tes l'chons sinan té va jongler" rin d' rassurant, l' début d un engrenache qu in vo pas la fin, mais on sint que ch' premier jour d école, qu in f'ra à la rentrée cha va et' l' grand saut dans l inconnu, l' début d' l apprentissache vers des connaissances, un métier, une carriere, une vie professionelle , puis familiale .........
le grand saut dans l inconnu , et les paroles d encourag'mint et dédramatisation d' em' mère, "té vérra ché bien l école" ...
( 1 photos)