in est mal barré
par minloute le, 17/09/2008hier j' rinte du traval, et là quo que j' vo , min fils et m' file qui partent in carette , comme cha à l heure du qu in va minger
ouais pasque minloute, quand qui rinte , i faut qui minche, ché comme cha ,j' pourro pas viffe comme ché zespagnols , i minchent in décalé avec nous, ché simpe , i comminchent as' mette à tappe que nous cha fait djà eune heure au moins qu in a fini d' minger et cor quand que j' dis eune heure j' su gentil
bon j arviens am'n' histoire, j' rinte donc, j laffe ché mains j va pour m assire pour minger et là grand mère, j' la bin dressée, ale arriffe avec ch' plat à tappe
comminchez pas a raler in disant que matcho minloute, nan, ché pas vrai, l' preuffe ché que grand mère ale peut minger à tappe in meme temps qu' mi, bon ale est là aussi pour m' passer ch' sel l' poiffe l io, ch'vin , les cornichons, ch' pain , mais aprés tout cha ale peut minger tranquile , tant qu' m n' assiette ale est pas vide ......
donc in s assis et ale avo fait un bourguignon, cha sinto bon, et j' dis mais du qui sont partis ché gosses, et là ale leffe ché ziux au ciel, bin i zavottent pas ker l idée d' minger un bourguignon, bin tin fils, ah ché sur quand cha va pas ché min fils, y est parti avec s' soeur li payer du maquedonalde i voulotent minger cha , l' bourguignon chéto beurk pour eux
mais du qu in s in va, verrez mes gins, in tout cas j' l espère pas, mais dins zeune paire d années quand que ché jones i mingeront pu que des trucs comme cha , pizzas , hamburgers et companies, verrez in f'ra des émissions al' télé pour expliquer les vertus mais aussi commint qu on fait un boeuf bourguignon, un boeuf mironton, eune blanquette etc
à méditer