Les jardinsmes vacances à l'fosse !
par annie62110 le, 06/12/2008à la fin des années cinquante j'allos souvint chez m'tante Evelyne, al habitot à Beaumont ch'étot déja un tiot peu la campagne, et pourtant in face de s'maison i avot l'fosse 6/7 ed Drocourt à Beaumont
al étot fermée mais i avot core un gardien et i avot eune tiote file de m'n'ache al s'app'lot Andréa et comme in avot douze ans tous les deux in juot su ch'carreau d'fosse, ch'puits i étot par core complét'mint arbouché et in se n'approchot tout duch'mint l'plus prés possipe, oh in avot pas l'drot mais ch'étot tentant
aprés in courrot dins chés batimints ou in allot cueillir des mures el long de ligne de ch'min fer qui passot à coté ! quand arrivot l'soir in étot bin mates !
comme j'avos b'soin d'renseignemints sur l'indrot j'ai d'mindé à Roger ed chti.org qui me les a gintimint invoyés ce dont je l'remercie ! ach't'heure i reste pu que ch'terril qu'in appelle ch'terril des pommiers
voilà core un souv'nir qui va avoir 50 ans, et pour mi ch'est un souv'nir joyeux d'tiote file !!
