l'tranche ed' jambon
par minloute le, 09/08/2005quo d'pu banal achteure qu'eune tranche ed jambon, in a eu d' tout ché dernieres années, du simili jambon qui nageo dins l'io dins sin plastique
ch'ti lale y a fait du mo au vrai jambon, et pour longtemps
pi aprés cha a été la mote des jambons type ancien, cuit au feu d' bo qui disottent et qu en fait in passo un coup d' chalumeau d' sus pour faire croire cha à ché gins
non mes gins, j' vous parle du vrai jambon , chti qu' Omer ou Marthe , les bouchers del rue Anatole France ed' Bruay , qui vindottent
ch' rituel éto toudis l' même , i faisottent aller l' machine , mais avant i zavottent d' minde l' épaisseur des tranches, et y avo un geste del main pour accompagner l' tranche ed gambon such' papier d' emballache rose qui zavottent plaché in d' sous
et dins ché momint là quand qu on mingeo des frites avec du gambon , chéto aussi nourrissant que si in mingeo eune aut'viante, i yavo rien d' dévalorisant
Cha m'rappelle l'mien d'boucher charcutier à Enquin les mines.
J'artrouv'ra jamais non plus un jambon parel, j'em m'souviens core bien du goût mais cha rest'ra un souv'nir.
Y avot pas que l'jambon qui étot bon, i faijot tout li-même et tout étot excellent, ché patés, ché saucissons, tout
I s'appelot René Caron et sur sin papier d'emballache chétot marqué "chez René tout est frais, chez Caron tout est bon" et chétot pas usurpé, personne aurot dit l'contraire
In plus in avot ker à aller à s'boutique, déjà tous ché clients avotent drot à eune rondelle d'saucisson et comme y avot d'l'humour, in passot souvint un bon momint
pi,y fallo minger ch'gras autour,fallo surtout pon gaspiller