ech café in haut d'el rue Basly
par nounours-94 le, 03/04/2009ché in lisant l'artique ed minloute que des souv'nirs sont armontés ale surface. parce qu'ech café là ej l'ai bien connu.
dins l'temps i s'app'lot el "Terminus" parce qu'ech' car bleu qui faisot el navette intre el trois et el cercle chétot el terminus. i faisot demi tour sur el plache ed Marles pour arpartir dins l'autre sens.
quand les anciens propriétaires sont partis ale retraite, ché leur fille et s'n'homme qui ont arpris l'affaire, chétot Mado et Daniel. si j'disos pus haut qu'ej l'ai bien connu ché qu'étant du trois, bien qu'exilé in région parisienne, quand j'armontos à Bruay ej y fait des rudes prones.
ché là que j'ai appris à juer aux cartes et au 421.
el pu drôle dins l'histoire ché que j'auros pus rincontrer minloute. in effet ej sus allé animer el soirée des 40 ans d'em cousine el 7 mars dernier à l'salle Damiens et tout in flânant dins l'quartier ej sus allé y boire un verre. cha fait drôle parce qu'avant chéto un bistrot ed retraités, quand esse sus rintré y avot que des jones parce que malheureusemint les anciens sont décédés. i m'ravisotent d'un drôle d'eul pour eusse j'étos un étranger.
quand ej leur ai expliqué que j'étos un ancien du quartier, que j'avos habité rue d'Bône et que j'étos el cousin d'untel, l'ambiance s'est détindue. i m'ont même payé un verre.
l'abri bus i existe toudis à part qui est pus ale même plache, i est au cimetière du trois à l'intrée d'el grante grille. i sert à abriter les gins les jours d'interremint quand i pleut.