L’ Premier Mai
par cartouche le, 08/05/2009L’ PREMIER MAI
l'vla arrivé l'premier mai
ch'est l'temps du muguet
ch'est l'temps des défilés
d'chés ouvriers sur ch'pavé
après y z'iront dins ché bos
avec leux femmes leux marmots
cacher chés tchiotes cloquettes
au doux parfum qui les intête
sous chés arpes si y fait bieau
y pourront minger un morcieau
assis dins l'hierpe bin installé
feront un tchiot picnick improvisé
chés gosses y jueront à Tarzan
pindant que leux papa et maman
feront eune sieste bin méritée
ch'est vraimint bin l'premier mai
Bierlair René dit Cartouche