chés tiêtes d'biêtes
par Batisse le, 14/08/2005In a parlé ichi d'sur des tranches d'jambon à mon de ch'vrai charcutier.
Mi j'voudros parler d'ches tiêtes d'biêtes à mon d'ches vrais bouchers. Tchand qu'j'étos plus jone et qu'j'allos faire les commissions de m'mère, i avot à mon du boucher des séquos in vitrine qu'in n'vos pus: des tiêtes d'pourcheau. In in faijot du pâté d'tiête et ch'étot fameux. I fallot d'abord faire cuire et après i fallot séparer cheule viante des oches avint d'in faire du pâté. J'cros bin qu'tout i y passot, à part ches dints et ches oches.
A ch't'heure in s'deminte quo qu'i font avec ches tiêtes d'pourcheaux.