Coup de coeur, coup de gueule
Les jardinsmononque Ambroise
par nounours-94 le, 08/06/2009tout l'famille el surnommot ech'ti père Ambroise pourquoi? j'in sais rien, esse qui m'a toudis fait tiquer chétot un grand. i étot machineur ale fosse 3, quand i a eu s'retraite et devenu veuf, i est parti rester dins eun' tiote mason in haut d'el rue ed Bellevue au 91 pus exactemint.
quand on allot li rinte visite, y avot toudis eun' annecdote ed fosse à raconter i queminchot par : "et un cop" et d'in profiter pour in verser un aux gins qui étotent là, et par el même occasion d'esse faire eun' bistoule. i n' buvot que cha. j'ai connu certaines personnes quand i sortotent d'esse mason el rue à l'étot longue à ardévaler avec queques tangages à la clé.
i avot eun' passion pour chés moniaux i avot construit eun' volière dins s' véranda. in fait chétot un grillache qui allot du sol au plafond avec à l'intérieur toutes sorte ed manèches qui avot imaginé. j'en' peux pas vous les décrire cha ar'monte à trop loin mais nous z'autes les tiots in étot fascinés in passot des après midi quand on allot asse mason à contempler le spectacle.
chétot aussi un couloneux. sin constateur i trônot au d'sus ed sin buffet ed cuisine.
sacré mononque!!
PS: ed sin gardin on avot eun' vue magnifique du derrière d'el fosse. la aussi cha valot el cop d'eule.
